രാജ്യത്തിൻ്റെ അഭിമാനം വാനോളം ഉയർത്തി ഏഷ്യയിലെ ഏറ്റവും വലിയ ഹെലികോപ്റ്റർ ഫാക്ടറി പ്രധാനമന്ത്രി നരേന്ദ്ര മോദി രാജ്യത്തിന് സമർപ്പിച്ചു.

കർണ്ണാടകയിലെ തുമുക്കൂരിൽ 615 ഏക്കറിൽ വ്യാപിച്ചു കിടക്കുന്ന ഫാക്ടറി, ഹിന്ദുസ്ഥാൻ എയ്റോനോട്ടികസ് ലിമിറ്റഡിൻ്റെ കീഴിലാണ് നിർമ്മിച്ചിരിക്കുന്നത്. നിലവിൽ പ്രതിവർഷം 30 ഹെലികോപ്റ്ററുകൾ വരെ ഈ ഫാക്ടറിയിൽ നിർമ്മിക്കാനാകും. ഇത് 100 എണ്ണമാക്കി വിപുലപ്പെടുത്തും. ഇരുപത് വർഷം കൊണ്ട് മൂന്ന് മുതൽ 15 ടൺ വരെ ഭാരമുള്ള ആയിരം ഹെലികോപ്റ്ററുകൾ പ്ലാൻ്റിൽ നിന്ന് നിർമ്മിക്കുകയാണ് ലക്ഷ്യം. ചെറു യുദ്ധവിമാനങ്ങളുടെ നിർമ്മാണവും റിപ്പയർ അടക്കമുള്ള സൗകര്യങ്ങളും ഭാവിയിൽ ഒരുക്കാൻ പ്രതിരോധ മന്ത്രാലയത്തിന് പദ്ധതിയുണ്ട്.