ജീവനക്കാര്‍ക്കൊപ്പം ഋഷി സുനകിന്റെ പൊങ്കല്‍ ആഘോഷം

ബ്രിട്ടീഷ് പ്രധാനമന്ത്രി ഋഷി സുനക് നമ്മള്‍ ഇന്ത്യാക്കാരുടെ ഒരു സ്വകാര്യ അഹങ്കാരം തന്നെയാണ്. ബ്രിട്ടീഷ് പ്രധാനമന്ത്രിയായി അദ്ദേഹം ചുമതല ഏറ്റപ്പോള്‍ ഓരോ ഇന്ത്യക്കാരും അഭിമാനിച്ചു. മറ്റൊരു രാജ്യത്താണെങ്കിലും തന്റെ വേരുകള്‍ മറക്കാന്‍ തയ്യാറല്ല ഋഷി സുനക്. ഇപ്പോള്‍ ബ്രിട്ടനില്‍ പൊങ്കല്‍ ആലോചിച്ച വീണ്ടും ഭാരത സംസ്‌കാരവും ആഘോഷങ്ങളും തനിക്കു എത്രമാത്രം പ്രീയപെട്ടതാണെന്ന് വ്യക്തമാക്കിയിരിക്കുകയാണ് ഋഷി സുനക്. ബ്രിട്ടീഷ് പ്രധാനമന്ത്രി റിഷി സുനകിന്റെ പൊങ്കല്‍ ആഘോഷ വീഡിയോകള്‍ സാമൂഹ്യ മാദ്ധ്യമങ്ങളില്‍ വൈറലായി.

റിഷി സുനക് ഓഫിസ് ജീവനക്കാരോടൊപ്പം പൊങ്കല്‍ ആഘോഷിക്കുന്നതും അവര്‍ക്കൊപ്പം സദ്യ കഴിക്കുകയും ചെയ്യുന്ന വീഡിയോ ദൃശ്യമാണ് സമൂഹ്യ മാദ്ധ്യമങ്ങളില്‍ ശ്രദ്ധേയമായിരിക്കുന്നത്. ലണ്ടനിലെ ഡൗണിംഗ് സ്ട്രീറ്റിലുള്ള പ്രധാനമന്ത്രിയുടെ ഔദ്യോഗിക വസതിയിലാണ് പൊങ്കല്‍ ആഘോഷിക്കുന്നതിനായി വിരുന്നൊരുക്കിയത്. വാഴയിലയില്‍ തികച്ചും പരമ്പരാഗത രീതിയനുസരിച്ച് പ്രധാനമന്ത്രി ഉദ്യോഗസ്ഥര്‍ക്കൊപ്പം സദ്യ കഴിക്കുന്ന വീഡിയോയാണ് സമൂഹ്യ മാദ്ധ്യമങ്ങളില്‍ തരംഗമാകുന്നത്. നിരവധിപേരാണ് ഇതിനോടകം വീഡിയോ പങ്ക് വെച്ചത്. പൊങ്കല്‍ ആഘോഷിക്കുന്ന എല്ലാവര്‍ക്കും ആശംസകള്‍ അറിയിക്കാന്‍ ഞാന്‍ ആഗ്രഹിക്കുന്നു. ലോകത്തെ മുഴുവന്‍ കുടുംബങ്ങള്‍ക്കും ഈ ആഘോഷം എത്രമാത്രം പ്രാധാന്യമുള്ളതെന്ന് എനിക്കറിയാം. ലോകമെമ്പാടുമുള്ള എല്ലാവര്‍ക്കും ഈ തൈപൊങ്കല്‍ ദിനത്തില്‍ ആരോഗ്യവും സന്തോഷവും നല്‍കട്ടെ എന്ന് ആശംസിക്കുന്നു എന്ന് വീഡിയോ സന്ദേശത്തില്‍ അദ്ദേഹം പറഞ്ഞു.