ചെന്നൈയില്‍ ചെണ്ടകൊട്ടി മമത ബാനര്‍ജി വൈറലായി വീഡിയോ

ചെന്നൈ: ബംഗാള്‍ ഗവര്‍ണര്‍ ലാ ഗണേശന്റെ ചെന്നൈയില്‍ ഒരു കുടുംബ ചടങ്ങില്‍ പങ്കെടുക്കാന്‍ എത്തിയ പശ്ചിമ ബംഗാള്‍ മുഖ്യമന്ത്രി മമത ബാനര്‍ജി ചെണ്ട കൊട്ടുന്ന വീഡിയോ വൈറലാകുന്നു. വാര്‍ത്താ ഏജന്‍സിയായ എഎന്‍ഐ പങ്കിട്ട ഒരു വീഡിയോയില്‍ ബാനര്‍ജി ചെണ്ട മേളക്കാരെ കൂപ്പുകൈകളോടെ അഭിവാദ്യം ചെയ്യുന്നതാണ് ആദ്യം കാണുന്നത്. തുടര്‍ന്ന് ചെണ്ടമേളക്കാര്‍ക്കൊപ്പം ഒരു ചെണ്ടയില്‍ മമത താളം പിടിക്കുന്നത് വീഡിയോയില്‍ കാണാം.

ട്വിറ്ററില്‍ നിരവധി പ്രതികരണങ്ങളാണ് വീഡിയോയ്ക്ക് ലഭിച്ചത്. ഈ വര്‍ഷം സെപ്തംബറില്‍ കൊല്‍ക്കത്തയില്‍ ദുര്‍ഗാപൂജ ആഘോഷങ്ങള്‍ക്കിടെ മമത ബാനര്‍ജി ഗര്‍ബ നൃത്തം ചെയ്യുന്നതിന്റെ വീഡിയോ പങ്കുവെച്ചുകൊണ്ട് ബിജെപി മുംബൈ ഐടി സെല്ലിന്റെ കോകണ്‍വീനര്‍ പല്ലവി സിടി ട്വീറ്റ് ചെയ്തു

ചടങ്ങില്‍ പങ്കെടുക്കാന്‍ മമത ബാനര്‍ജി ബുധനാഴ്ചയാണ് ചെന്നൈയിലെത്തിയത്. തമിഴ്‌നാട് മുഖ്യമന്ത്രി എംകെ സ്റ്റാലിനുമായും അവര്‍ കൂടിക്കാഴ്ച നടത്തി. സ്റ്റാലിനെ സഹോദരന്‍ എന്ന് വിളിച്ച മമത ‘ഞാന്‍ ഒരു സ്വകാര്യ ചടങ്ങില്‍ പങ്കെടുക്കാന്‍ വന്നതാണ്, എന്നാല്‍ സ്റ്റാലിനുമായി കൂടിക്കാഴ്ച നടത്താതെ പോകാന്‍ കഴിയില്ല’.രണ്ട് നേതാക്കളും ഒരുമിച്ച് രാഷ്ട്രീയം ഒഴികെയുള്ള കാര്യങ്ങളെക്കുറിച്ച് സംസാരിച്ചു മമതയെ ഉദ്ധരിച്ച് എഎന്‍ഐ റിപ്പോര്‍ട്ട് ചെയ്തു.

‘സ്റ്റാലിന്‍ ജിയെ കാണുകയും ഒരു കപ്പ് കാപ്പി കുടിക്കുകയും ചെയ്യേണ്ടത് എന്റെ കടമയാണെന്ന് ഞാന്‍ കരുതുന്നു ‘ മമത കൂട്ടിച്ചേര്‍ത്തു.മമത ബാനര്‍ജി ഊര്‍ജ്ജസ്വലയായി വ്യക്തിത്വമാണെന്ന് സ്റ്റാലിന്‍ പ്രശംസിച്ചു, അവരുടെ സന്ദര്‍ശനം കൊല്‍ക്കത്ത സന്ദര്‍ശിക്കാനുള്ള മമത ബാനര്‍ജിയുടെ ക്ഷണം സ്വീകരിച്ചതായും തമിഴ്‌നാട് മുഖ്യമന്ത്രി കൂട്ടിച്ചേര്‍ത്തു.