രവീന്ദ്ര ജഡേജയുടെ ഭാര്യയ്ക്ക് തിരഞ്ഞെടുപ്പില്‍ കന്നി ജയം മിന്നും ജയം

ജാംനഗര്‍: 2022ലെ ഗുജറാത്ത് നിയമസഭാ തെരഞ്ഞെടുപ്പില്‍ ജാംനഗറില്‍ വിജയം ഉറപ്പിച്ച് റിവാബ ജഡേജ. ക്രിക്കറ്റ് താരം രവീന്ദ്ര ജഡേജയുടെ ഭാര്യയാണ് റിവാബ ജഡേജ. എഎന്‍ഐ റിപ്പോര്‍ട്ട് പ്രകാരം 31,333 വോട്ടിന്റെ ഭൂരിപക്ഷമാണ് റിവാബയ്ക്ക് ഉള്ളത്. എഎപിയുടെ കര്‍ഷന്‍ഭായ് കമ്രൂറും കോണ്‍ഗ്രസിന്റെ ബിപേന്ദ്രസിങ് ജഡേജയെയും പരാജയപ്പെടുത്തിയാണ് വിജയം. വോട്ടെണ്ണലിന്റെ ആദ്യഘട്ടത്തില്‍ മൂന്നാംസ്ഥാനത്തായിരുന്നു റിവാബ ജഡേജ.

തന്നെ സ്ഥാനാര്‍ത്ഥിയായി സ്വീകരിച്ചവര്‍ക്കും, തനിക്കായി പണിയെടുത്തവര്‍ക്കും, തന്നെ ജനങ്ങളുമായി പരിചയപ്പെടുത്തിയവര്‍ക്കും എല്ലാം അവകാശപ്പെട്ടതാണ് ഈ വിജയം എന്ന് റിവാബ വിജയം ഉറപ്പിച്ച ശേഷം പ്രതികരിച്ചു.

തിരഞ്ഞെടുപ്പ് കമ്മീഷന്റെ ഏറ്റവും പുതിയ അപ്‌ഡേറ്റ് പ്രകാരം ഉച്ചയ്ക്ക് 12:20 വരെ റിവാബ 19,820 വോട്ടുകള്‍ക്ക് മുന്നിലാണ്. ജഡേജ 38867 വോട്ടുകള്‍ നേടിയപ്പോള്‍ എഎപിയുടെ കര്‍ഷന്‍ഭായ് കമ്രൂര്‍ 19047 വോട്ടുകള്‍ നേടി രണ്ടാമതാണ്. കോണ്‍ഗ്രസിന്റെ ബിപേന്ദ്രസിങ് ജഡേജ 12397 വോട്ടുകള്‍ നേടി മൂന്നാം സ്ഥാനത്താണ്. പ്രസിദ്ധമായ വിജയത്തിന് തയ്യാറായി, റിവാബ ഏകദേശം 50 ശതമാനം വോട്ടുകള്‍ നേടി.

ഡിസംബര്‍ 1 ന് ജാംനഗര്‍ നോര്‍ത്തില്‍ വോട്ടെടുപ്പ് നടന്നത്. 2022 ലെ ഗുജറാത്ത് നിയമസഭാ തെരഞ്ഞെടുപ്പിന്റെ ഒന്നാം ഘട്ടത്തിലെ മൊത്തത്തിലുള്ള പോളിംഗ് ശതമാനത്തേക്കാള്‍ കുറവാണ് ജാംനഗറില്‍ രേഖപ്പെടുത്തിയത്.

ബിജെപിയുടെ ധര്‍മേന്ദ്രസിങ് ജഡേജയെ സിറ്റിംഗ് സീറ്റില്‍ നിന്നും മാറ്റിയാണ് ബിജെപി റിവാബ ജഡേജയെ മത്സരിപ്പിച്ചു. 53 ശതമാനം വോട്ട് വിഹിതം നേടിയാണ് റിവാബ ബിജെപിക്ക് വേണ്ടി സീറ്റ് നിലനിര്‍ത്തുന്നത്.

ഗുജറാത്തില്‍ ബിജെപി വന്‍ വിജയത്തിലേക്ക് നീങ്ങി. 150ലധികം സീറ്റുകളില്‍ ഭരണകക്ഷി വിജയിക്കാനാണ് ഒരുങ്ങുന്നത്. ഗുജറാത്ത് നിയമസഭയിലെ ഏറ്റവും വലിയ സീറ്റ് വിഹിതം എന്ന റെക്കോഡാണ് ഇതോടെ ബിജെപി സ്ഥാപിക്കുന്നത്.