കോട്ടയം നഗരത്തില്‍ കോളേജ് വിദ്യാര്‍ത്ഥിനിക്കും സുഹൃത്തിനും നേരെ അക്രമണം

കോട്ടയം: കോട്ടയം നഗരത്തില്‍ കോളജ് വിദ്യാര്‍ഥിനിക്ക് നേരെ മൂന്നംഗ സംഘത്തിന്റെ ആക്രമണം. ഇന്നലെ രാത്രി പത്തരയോടെയായിരുന്നു സംഭവം. കോളേജ് വിദ്യാര്‍ത്ഥിനിയെ കമന്റ് അടിച്ചത് ചോദ്യം ചെയ്തതിനെ തുടര്‍ന്നായിരുന്നു അക്രമം. മൂന്ന് യുവാക്കളാണ് കോളേജ് വിദ്യാര്‍ത്ഥിനിയേയും സുഹൃത്തിനേയും കോട്ടയം സെന്‍ട്രല്‍ ജംഗ്ഷന് സമീപം വച്ച് ആക്രമിച്ചത്. കോട്ടയം താഴത്തങ്ങാടി സ്വദേശികളായ മൂന്ന് യുവാക്കളേയും ഇന്നലെ രാത്രി തന്നെ അറസ്റ്റ് ചെയ്തതായി പൊലീസ് അറിയിച്ചു. അക്രമത്തിന്റെ ദൃശ്യങ്ങള്‍ പുറത്തു വന്നിട്ടുണ്ട്.