മഹാരാജാസ് സംഘര്‍ഷം, നാലുപേര്‍ അറസ്റ്റില്‍

കൊച്ചി: എറണാകുളം മഹാരാജാസ് കോളേജിലെ കെഎസ്‌യു, എസ്എഫ്‌ഐ സംഘര്‍ഷത്തില്‍ നാലുപേര്‍ അറസ്റ്റില്‍. കെഎസ്!യു യൂണിറ്റ് പ്രസിഡന്റ് അതുല്‍, എസ്എഫ്‌ഐ പ്രവര്‍ത്തകന്‍ അനന്ദു, വിദ്യാര്‍ത്ഥി മാലിക്ക്, പുറത്ത് നിന്നെത്തിയ ഹഫീസ് എന്നിവരെയാണ് അറസ്റ്റ് ചെയ്തത്. ജാമ്യമില്ലാ വകുപ്പടക്കം ചേര്‍ത്താണ് പൊലീസ് കേസ് രജിസ്റ്റര്‍ ചെയ്തത്. ശക്തമായ നടപടികള്‍ ഉണ്ടാകുമെന്ന് ഡിസിപി എസ് ശശിധരന്‍ പറഞ്ഞു.

കോളേജിന് സമീപമുള്ള എറണാകുളം ജനറല്‍ ആശുപത്രിക്ക് മുന്നിലും ഇന്നലെ സംഘര്‍ഷം നടന്നിരുന്നു. എസ്എഫ്‌ഐ യൂണിറ്റ് പ്രസി!ഡന്റ് അമല്‍ ജിത്ത് കുറ്റ്യാടി,വനിതാ പ്രവര്‍ത്തകയായ റൂബി അടക്കം 10 എസ്എഫ്‌ഐക്കാര്‍ക്കാണ് പരിക്കേറ്റത്. ഇവരെ എറണാകുളം ജനറല്‍ ആശുപത്രിയില്‍ പ്രവേശിപ്പിച്ചു. കെഎസ്‌യു നേതാക്കളായ നിയാസ് റോബിന്‍സന്‍ അടക്കം പരിക്കേറ്റ ആറ് പേരെ ഇന്ദിരാഗാന്ധി സഹകരണ ആശുപത്രിയിലും പ്രവേശിപ്പിച്ചിട്ടുണ്ട്. സംഘര്‍ഷത്തിന്റെ പശ്ചാത്തലത്തില്‍ കോളേജ് അനിശ്ചിത കാലത്തേക്ക് അടച്ചു. സര്‍വ്വകക്ഷി യോഗം വിളിക്കും.