ചാവക്കാട് വിദ്യാര്‍ത്ഥിയെ ബസില്‍ നിന്ന് തള്ളിയിട്ടു, കണ്ടക്ടര്‍ കസ്റ്റഡിയില്‍; ചുമത്തിയത് ജാമ്യം കിട്ടാവുന്ന കുറ്റം

തൃശ്ശൂര്‍: തൃശ്ശൂര്‍ ചാവക്കാട് വിദ്യാര്‍ത്ഥിയെ ബസില്‍ നിന്ന് വലിച്ചിട്ട സംഭവത്തില്‍ കണ്ടക്ടര്‍ കസ്റ്റഡിയില്‍. വെളിയങ്കോട് സ്വദേശി ഉമ്മറിനെയാണ് ചാവക്കാട് പൊലീസ് കസ്റ്റഡിയിലെടുത്തത്. ചാവക്കാട് പൊന്നാനി റൂട്ടില്‍ സര്‍വീസ് നടത്തുന്ന ഹനീഫ ബസിലെ കണ്ടക്ടറാണ് ഇയാള്‍. ഉമ്മറിനെതിരെ ജാമ്യം കിട്ടാവുന്ന കുറ്റം ചുമത്തി കേസെടുത്തിട്ടുണ്ട്.

ഇന്നലെ വൈകീട്ട് നാല് മണിക്കാണ് ബസ്സിന്റെ ചവിട്ടുപടിയില്‍ നിന്ന് പതിമൂന്നുകാരനെ കണ്ടക്ടര്‍ തള്ളിയിട്ടത്. കൈകുത്തി താഴെ വീണ വിദ്യാര്‍ത്ഥിക്ക് പരിക്കേറ്റിരുന്നു. കൈക്കാണ് പൊട്ടലേറ്റത്. തുടര്‍ന്ന് ചാവക്കാട് പൊലീസില്‍ നല്‍കിയ പരാതിയിലാണ് കണ്ടക്ടറെ കസ്റ്റഡിയിലെടുത്തത്.