ഗവര്‍ണറുടെ ഭീഷണിക്ക് കീഴടങ്ങുന്ന പ്രശ്‌നമില്ല എംവി ഗോവിന്ദന്‍

തിരുവനന്തപുരം : കേരളത്തിലെ ജനങ്ങളെയും സര്‍ക്കാരിനെയും ഭയപ്പെടുത്തി കീഴ്‌പ്പെടുത്താമെന്ന് ആ?ഗ്രഹിക്കുന്നുവെങ്കില്‍ അത് നടക്കില്ലെന്ന് സിപിഎം സംസ്ഥാന സെക്രട്ടറി എം വി ?ഗോവിന്ദന്‍. ആത്യന്തികമായി ജനങ്ങളെയാണ് കാണുന്നത്. അല്ലാതെ ?ഗവര്‍ണറെയോ ഏതെങ്കിലും ഒരു സംവിധാനത്തെയോ അല്ലെന്നും ആരിഫ് മുഹമ്മദ് ഖാന്റെ വാര്‍ത്താസമ്മേളനത്തിന്റെ പശ്ചാത്തലത്തില്‍ എം വി ?ഗോവിന്ദന്‍ പറഞ്ഞു. അവസാന വിധി പറയുന്ന ശക്തിയും കരുത്തും ജനങ്ങളാണ്. ആ കരുത്തിന്റെ നേരെ നോക്കി കൊഞ്ഞനം കാട്ടിയിട്ട് കാര്യമില്ല. ശരിയായ നിലപാടെടുത്ത് മുന്നോട്ട് പോവുകയാണ് തങ്ങള്‍ ചെയ്യുന്നതെന്നും അദ്ദേഹം കൂട്ടിച്ചേര്‍ത്തു.

ഒരു ഭീഷണിക്കും കീഴടങ്ങുന്ന പ്രശ്‌നമില്ല എന്നത് ?ഗവര്‍ണര്‍ മനസ്സിലാക്കുന്നതാണ് നല്ലത്. കേന്ദ്രത്തിലേക്ക് റിപ്പോര്‍ട്ട് നല്‍കുമെന്ന ഭയമൊന്നും സിപിഎമ്മിനില്ല. ഏത് വിവാദത്തില്‍ വേണമെങ്കിലും ഇടപെടട്ടെ. തുറന്ന പുസ്തകം പോലെ എല്ലാം ജനങ്ങള്‍ക്ക് മുന്നിലുണ്ട്. ജനങ്ങള്‍ ആ?ഗ്രഹിക്കാത്ത ഒരു നിലപാടും സിപിഎമ്മും ഇടത് മുന്നണിയും കൈകാര്യം ചെയ്യില്ല. ജനങ്ങള്‍ക്ക് ഒപ്പമാണ്, ജനങ്ങള്‍ക്ക് വേണ്ടിയാണെന്നും എം വി ?ഗോവിന്ദന്‍ പറഞ്ഞു.

സംസ്ഥാനം ഭരണഘടനാ ഭീഷണിയിലാണെന്നാണ് കൊച്ചിയില്‍ നടത്തിയ വാര്‍ത്താ സമ്മേളനത്തില്‍ ??ഗവര്‍ണര്‍ പറഞ്ഞത്. മാത്രമല്ല, ?ഗവര്‍ണര്‍ക്കെകതിരെ നടത്താന്‍ സര്‍ക്കാര്‍ തീരുമാനിച്ച മാര്‍ച്ചിനെ അദ്ദേഹം വെല്ലുവിളിക്കുകയും ചെയ്തു. രാജ്ഭവന്‍ മാര്‍ച്ച് നടക്കട്ടെ എന്നും തന്നെ റോഡില്‍ ആക്രമിക്കട്ടെയെന്നുമാണ് അദ്ദേഹം പറഞ്ഞത്. ധര്‍ണ്ണ നവംബര്‍ 15 ലേക്ക് നീട്ടേണ്ട എന്നും താന്‍ രാജ്ഭവനിലുള്ളപ്പോള്‍ തന്നെ നടത്തട്ടെ എന്നും അദ്ദേഹം കൂട്ടിച്ചേര്‍ത്തു. എന്നത്തെയും പോലെ ഇന്നും ഗവര്‍ണര്‍ സര്‍ക്കാരിനെയും മുഖ്യമന്ത്രിയെയും ആവര്‍ത്തിച്ച് വിമര്‍ശിക്കുകയായിരുന്നു. ഒപ്പം കൈരളിയെയും മീഡിയ വണ്ണിനെയും വാര്‍ത്താ സമ്മേളനത്തില്‍ നിന്ന് വിലക്കുന്ന നിലപാട് കൂടി ?ഗവര്‍ണര്‍ സ്വീകരിച്ചു.