അനര്ഹര്ക്കുള്ള ക്ഷേമപെന്ഷന് തടയേണ്ടി വരും ഇല്ലെങ്കില് സംസ്ഥാനത്തിന് ബാധ്യതയാകും; കെ എന് ബാലഗോപാല്
1 min readതിരുവനന്തപുരം: സംസ്ഥാനത്തെ ക്ഷേമ പെന്ഷന്കാരുടെ പട്ടികയില് നിരവധി അനര്ഹര് കടന്ന് കൂടിയിട്ടുണ്ടെന്ന് ധനമന്ത്രി കെ എന് ബാലഗോപാല്. ഇക്കാര്യത്തില് കര്ശന പരിശോധന നടത്തി അനര്ഹരായവരെ പെന്ഷന് പട്ടികയില് നിന്നും ഒഴിവാക്കുമെന്ന് മന്ത്രി പറഞ്ഞു. 60 ലക്ഷത്തോളം ആളുകള്ക്കാണ് സംസ്ഥാനത്ത് പ്രതിമാസം 1600 രൂപ ക്ഷേമ പെന്ഷന് നല്കുന്നത്. അനര്ഹരെ പട്ടികയിയില് നിന്നും ഒഴിവാക്കിയില്ലെങ്കില് ഇത് സംസ്ഥാനത്തിന് വലിയ ബാധ്യതയാകുമെന്നും സംസ്ഥാന ബജറ്റിനു മുന്നോടിയായി ഏഷ്യാനെറ്റ് ന്യൂസിന് അനുവദിച്ച അഭിമുഖത്തില് ധനമന്ത്രി പറഞ്ഞു.