ബേക്കറിയില്‍ നിന്ന് ഹാന്‍സ് ശേഖരം പിടികൂടി; 50000 രൂപയുടെ 70 പാക്കറ്റ് ഹാന്‍സ് ചാക്കില്‍ സൂക്ഷിച്ച നിലയില്‍

പാലക്കാട്: തൃത്താല പടിഞ്ഞാറങ്ങാടിയില്‍ ബേക്കറി കടയില്‍ നിന്ന് ഹാന്‍സ് ശേഖരം പിടികൂടി. തൃത്താല പൊലീസിന്റെ നേതൃത്വത്തില്‍ നടത്തിയ പരിശോധനയില്‍ 50000 രൂപ വിലവരുന്ന പതിനഞ്ച് എണ്ണം വീതമുള്ള 70 പാക്കറ്റ് ഹാന്‍സാണ് പിടികൂടിയത്. പടിഞ്ഞാറങ്ങാടി ന്യൂ മലബാര്‍ ബേക്കറിയില്‍ നിന്നാണ് ഹാന്‍സ് ശേഖരം പിടികൂടിയത്. കടക്കുള്ളില്‍ രണ്ട് ചാക്കുകളിലായി സൂക്ഷിച്ചിരിക്കുകയായിരുന്നു. കട ഉടമ കുമ്പിടി സ്വദേശി ഷൗക്കത്തലിയെ തൃത്താല പോലീസ് അറസ്റ്റ് ചെയ്തു. കോയമ്പത്തൂരില്‍ നിന്നാണ് ഹാന്‍സ് വാങ്ങിയതെന്ന് തൃത്താല പോലീസിന് മൊഴി നല്‍കി. തൃത്താല മേഖലയില്‍ ഹാന്‍സ് വിതരണം ചെയ്യുന്ന ആളാണ് ഷൗക്കത്ത് എന്ന് തൃത്താല പോലീസ് പറഞ്ഞു.