ആഴിമല ശിവക്ഷേത്രത്തിലെ വാര്‍ഷിക ഉത്സവത്തിന് ഇന്ന് കൊടിയേറും

തിരുവനന്തപുരം: വിഴിഞ്ഞം ആഴിമല ശിവക്ഷേത്രത്തിലെ വാര്‍ഷിക ഉത്സവത്തിന് ഇന്ന് കൊടിയേറും. ഇന്ന് രാവിലെ 10.30നാണ് കൊടിയേറ്റ്. ഉത്സവത്തോടനുബന്ധിച്ച് എല്ലാ ദിവസവും ഉച്ചയ്ക്ക് 12ന് അന്നദാനം ഉണ്ടാകുമെന്ന് ക്ഷേത്രം ഭാരവാഹികള്‍ അറിയിച്ചു. രാത്രി ഏഴിന് നടക്കുന്ന സമ്മേളനം മന്ത്രി അഹമ്മദ് ദേവര്‍കോലില്‍ ഉദ്ഘാടനം ചെയ്യും. വൈകിട്ട് നാലിനാണ് കാവ്യാര്‍ച്ചന. 26ന് ആറാട്ടോടെ് ഉത്സവം സമാപിക്കും.

12 മുതല്‍ 24 വരെ രാവിലെ മുതല്‍ വിശേഷാല്‍ പൂജയുണ്ടാകും. 19ന് വൈകിട്ട് നടക്കുന്ന സമ്മേളനം ഗവര്‍ണര്‍ ആരിഫ് മുഹമ്മദ് ഖാന്‍ ഉദ്ഘാടനം ചെയ്യും. തുടര്‍ന്ന് ഭക്തിഗാനസുധ, ക്ലാസിക്കല്‍ ഡാന്‍സ് എന്നിവ അരങ്ങിലെത്തും .
20ന് നടക്കുന്ന സമ്മേളനം കെ.മുരളീധരന്‍ എംപി നിര്‍വഹിക്കും 21ന് രാവിലെ സൗജന്യ മെഡിക്കല്‍ ക്യാമ്പും ഉണ്ടാകും. വൈകിട്ട് ആറിന് നടക്കുന്ന സമ്മേളനം രമേശ് ചെന്നിത്തല ഉദ്ഘാടനം ചെയ്യും തുടര്‍ന്ന് ഭക്തിഗാനസുധ നടക്കും.22ന് വൈകിട്ട് നടക്കുന്ന സാംസ്‌കാരിക സമ്മേളനം മന്ത്രി ജിആര്‍ അനില്‍ ഉദ്ഘാടനം ചെയ്യും. 25ന് രാവിലെ 9.15നാണ് പൊങ്കാല. 26ന് രാവിലെ ആറാട്ടോട് കൂടി ഈ വര്‍ഷത്തെ ഉത്സവത്തിന് കൊടിയിറങ്ങും