വീണ്ടും നാട്ടിലിറങ്ങി പടയപ്പ രണ്ട് ബൈക്കുകള്‍ തകര്‍ത്തു

മൂന്നാര്‍: മൂന്നാര്‍ കുറ്റിയാര്‍വാലിക്ക് സമീപത്ത് കഴിഞ്ഞ ദിവസം വൈകിട്ട് വാഹന യാത്രക്കാര്‍ക്ക് നേരെ പാഞ്ഞടുത്ത് പടയപ്പ. യാത്രക്കാര്‍ പ്രകോപിച്ചതിനെ തുടര്‍ന്ന് അക്രമാ സക്തനായ പടയപ്പ രണ്ട് ബൈക്കുകല്‍ തകര്‍ത്തു. ഇന്നലെ റോഡിലിറങ്ങിയ പടയപ്പയുടെ മുന്നിലും പിന്നിലും വാഹനങ്ങള്‍ വന്നതിനെ തുടര്‍ന്നാണ് പ്രശനം വഷളായത്. ഇരുവശങ്ങളിലും വാഹനങ്ങളുണ്ടായിരുന്നതുകൊണ്ടു മുന്നോട്ടും പിന്നോട്ടും പോകാന്‍ പറ്റാതായതിനെ തുടര്‍ന്നാണ് പടയപ്പ അക്രമാസക്തനായത്. വാഹനങ്ങളുടെ നിരന്തരമായ ഹോണടികളെ തുടര്‍ന്ന് കൂടുതല്‍ പ്രകോപിതനാവുകയും ചെയ്തു. ഇത് കൂടാതെ വാഹനങ്ങളില്‍നിന്നിറങ്ങി ആളുകള്‍ ഫോട്ടോയും വീഡിയോയും എടുത്തതില്‍ കൂടുതല്‍ പ്രകോപനം കൊണ്ടാണ് മുന്നില്‍ കണ്ട രണ്ട് ബൈക്കുകള്‍ തുമ്പിക്കൈ കൊണ്ടു മറിച്ചിട്ടത. ഏറെ നേരം പണിപ്പെട്ട് പടയപ്പ കാട്ട്‌ലേക്ക് മടങ്ങിയത് വന്‍ദുരന്തം ഒഴുവാക്കാന്‍ സാധിച്ചു.