രാജ്‌മോഹന്‍ ഉണ്ണിത്താന്‍ എംപിയുടെ നെറ്റിയിലെ കുറി 2019 ഏപ്രില്‍ മുതല്‍ കാണാത്തതെന്തുകൊണ്ടെന്ന് കെ സുരേന്ദ്രന്‍

തിരുവനന്തപുരം:മോദിയെ താഴെയിറക്കാന്‍ ന്യൂനപക്ഷത്തെ മാത്രമല്ല ഭൂരിപക്ഷത്തേയും ഒപ്പം നിര്‍ത്തണമെന്ന എ കെ ആന്റണിയുടെ പ്രസ്താവനയെ പരിഹസിച്ച് ബിജെപി സംസ്ഥാന പ്രസിഡണ്ട് കെ സുരേന്ദ്രന്‍ രംഗത്ത്.കോണ്‍ഗ്രസ്സ് ആദ്യം ആത്മാഭിമാനം വീണ്ടെടുക്കാനാണ് ശ്രമിക്കേണ്ടത്. അടിമ മനോഭാവമാണ് കോണ്‍ഗ്രസ്സിനെ ഈ നിലയിലെത്തിച്ചത്. അതില്‍ ആന്റണിക്കുള്ള പങ്ക് ചെറുതല്ല. ഭൂരിപക്ഷസമുദായം കോണ്‍ഗ്രസ്സിന്റെ ചെപ്പടിവിദ്യകളില്‍ വീഴാന്‍ പോകുന്നില്ലെന്ന് രാഹുലിന്റേയും പ്രിയങ്കയുടേയും നെറ്റിയില്‍ ഇടയ്ക്കിടെ പ്രത്യക്ഷപ്പെടുന്ന നെടുങ്കന്‍ കളഭക്കുറികള്‍ ആന്റണിയെ ബോധ്യപ്പെടുത്തുന്നില്ലെങ്കില്‍. തകരാറ് അദ്ദേഹത്തിനുമാത്രമെന്നു കരുതി സമാധാനിക്കുകയല്ലാതെ കോണ്‍ഗ്രസ്സുകാര്‍ക്ക് വേറൊരു നിവൃത്തിയുമില്ലെന്ന് സുരേന്ദ്രന്‍ ഫേസ് ബുക്കില്‍ കുറിച്ചു.കാസര്‍കോട് എംപി രാജ്‌മോഹന്‍ ഉണ്ണിത്താന്‍ നെറ്റിയിലെ കുറി മാച്ചതിനേയും സുരേന്ദ്രന്‍ പരിഹസിച്ചു