ശബരിമലയില്‍ തിരുവാഭരണച്ചാര്‍ത്തും കളഭാഭിഷേകവും ഇന്ന് അവസാനിക്കും

പത്തനംതിട്ട:ശബരിമല സന്നിധാനത്ത് നെയ്യഭിഷേകവും കളഭാഭിഷേകവും തിരുവാഭരണച്ചാര്‍ത്തും ഇന്ന് അവസാനിക്കും. 19ന് രാത്രി 10 വരെയാണ് തീര്‍ത്ഥാടകര്‍ക്കുള്ള ദര്‍ശനം. ചടങ്ങുകള്‍ പൂര്‍ത്തിയാക്കി 20വന് രാവിലെ ആറിന് അടയ്ക്കും. 20ന് ഭക്തരെ ശബരിമലയിലേക്ക് പ്രവേശിപ്പിക്കുകയില്ല.

19ന് അത്താഴപൂജ കഴിഞ്ഞ് നട അടച്ച ശേഷം മാളികപ്പുറം ക്ഷേത്രത്തില്‍ ഗുരുതി നടക്കും. 20ന് പുലര്‍ച്ചെ അഞ്ചി,ന് നട തുറക്കും. 5.30ന് തിരുവാഭരണ പേടകങ്ങളുമായി പന്തളത്തേക്ക്് മടക്കയാത്ര ആരംഭിക്കും. പന്തളം കൊട്ടാര അംഗത്തിന്റെ മരണത്തെ തുടര്‍ന്ന് രാജപ്രതിനിധി എത്തിയിട്ടില്ലാത്തതിനാല്‍ മറ്റ് ചടങ്ങുകള്‍ ഉണ്ടാകില്ല.