പാറിപ്പറക്കാൻ ഗരുഡൻ ,  സുരേഷ് ഗോപിയും ബിജു മേനോനും വീണ്ടും

11 വർഷങ്ങൾക്കു ശേഷം സുരേഷ് ഗോപിയും ബിജു മേനോനും ഒന്നിക്കുന്ന ഗരുഡന്റെ മേക്കിങ് വീഡിയോ പുറത്തുവിട്ട് നിർമ്മാതാവ് ലിസ്റ്റിൻ സ്റ്റീഫൻ. ചിത്രം നവംബർ ആദ്യവാരം തിയേറ്ററുകളിലെത്തും..   ജിനേഷിന്റെ കഥയ്ക്ക് തിരക്കഥയെഴുതിയത് മിഥുൻ മാനുവൽ തോമസാണ്. സംവിധായകൻ അരുൺ വർമ്മ.  കേരള ആംഡ് പൊലീസ് കമാന്റന്റായി സുരേഷ് ഗോപിയും കോളേജ് അധ്യാപകനായി ബിജു മേനോനുമെത്തുന്നു. നീതിക്കു വേണ്ടി പോരാടുന്ന രണ്ടുപേർ. 

സിദ്ദിഖ്, നിലീഷ് പോത്തൻ,  ജഗദീഷ് , അഭിരാമി , ദിവ്യ പിള്ള , തലൈവാസൻ വിജയ്, മേജർ രവി , സന്തോഷ് കീഴാറ്റൂർ തുടങ്ങി വലിയൊരു താരനിരയും ചിത്രത്തിലുണ്ട്. 

കടുവയുടെ സംഗീതമൊരുക്കിയ ജെയ്ക്സ് ബിജോയ് ആണ് ഗരുഡനു വേണ്ടി സംഗീതസംവിധാനം നിർവഹിച്ചത്. അജയ് ഡേവിഡ് കാച്ചപ്പള്ളിയാണ് ക്യാമറാമാൻ.