കൊലക്കേസ് വിധി ദിവസം മദ്യപിക്കാനായി മുങ്ങിയ പ്രതിക്ക് പതിനേഴ് വര്ഷം തടവ്
1 min read![](https://malayalinewslive.com/wp-content/uploads/2023/07/court-1024x576.jpg)
വഞ്ചിയൂര്: കൊലക്കേസ് പ്രതി വിധി പറയുന്ന ദിവസം മദ്യപിക്കാനായി മുങ്ങിയ പ്രതിക്ക് പതിനേഴ് വര്ഷം തടവ് ശിക്ഷ. മംഗലപുരം സ്വദേശിയായ ബൈജുവാണ് വിധി പറയുന്ന ദിവസം കോടതിയില് ഹാജരാകാതിരുന്നത്. പ്രതി ഹാജരാക്കാത്തതിനെ തുടര്ന്ന് വഞ്ചിയൂര് കോടതി വാറണ്ട് പുറപ്പെടുവിച്ചിരുന്നു. തുടര്ന്ന് അന്വേഷിച്ചെത്തിയ മംഗലപുരം പൊലീസാണ് പ്രതിയെ മദ്യപിച്ച നിലയില് വീട്ടില് കണ്ടെത്തിയത്. കഠിന തടവിനൊപ്പം 54000 രൂപ പിഴയുമൊടുക്കണം.
കോടതിയില് ഹാജരാകാതെ മുങ്ങിയത് സംബന്ധിച്ച ചോദ്യങ്ങള്ക്ക് വിധിക്ക് മുമ്പായി മദ്യപിക്കാന് പോയതാണെന്നും അതിനാലാണ് കോടതിയിലെത്താതിരുന്നതെന്നുമായിരുന്നു ബൈജുവിന്റെ മറുപടി. കഴിഞ്ഞ വര്ഷം ഇബ്രാഹിം എന്ന വ്യാപാരിയെ വെട്ടിക്കൊന്ന കേസിലാണ് 40കാരനായ ബൈജുവിന് ശിക്ഷ വിധിച്ചിട്ടുള്ളത്. മദ്യ ലഹരിയില് സാധനം വാങ്ങിയ ശേഷം പണം നല്കാതെ തര്ക്കിക്കുകയും വിഷയത്തില് ഇബ്രാഹിം ഇടപെട്ടതോടെ ആക്രമിക്കുകയും ചെയ്യുകയായിരുന്നു.