നവജാത ശിശുവിന്റെത് കൊലപാതകം തന്നെ
1 min read![](https://malayalinewslive.com/wp-content/uploads/2022/08/istockphoto-1189550810-612x612-1.jpg)
Women holding and looking at her godson at hospital
Malayali News Desk
തൊടുപുഴ : ഉടുമ്പന്നൂര് മങ്കുഴിയിലെ നവജാതശിശുവിന്റേത് കൊലപാതകമെന്ന് സ്ഥിരീകരണം. പോസ്റ്റുമോര്ട്ടം റിപ്പോര്ട്ടില് കുഞ്ഞിന്റെ ശ്വാസകോശത്തില് ജലാംശം കണ്ടെത്തി. ജനിച്ച ഉടന് കുഞ്ഞ് ശ്വസിച്ചിരുന്നുവെന്നും അതിന് ശേഷം കുഞ്ഞിനെ വെള്ളത്തില് മുക്കി കൊല്ലുകയായിരുന്നുവെന്നും ഇതോടെ സ്ഥിരീകരിച്ചു. അമ്മയ്ക്കെതിരെ കൊലപാതക കുറ്റത്തിന് കേസെടുത്തു. ആശുപത്രിയില് നിന്ന് ഡിസ്ചാര്ജ് ചെയ്താലുടന് ഇവരെ അറസ്റ്റ് ചെയ്യുമെന്ന് പൊലീസ് അറിയിച്ചു.
അമിത രക്തസ്രാവത്തെ തുടര്ന്ന് ഇന്ന് പുലര്ച്ചെയാണ് തൃശുര് കൊരട്ടി സ്വദേശിയായ യുവതി, ഭര്ത്താവിനൊപ്പം തൊടുപുഴ ജില്ലാ ആശുപത്രിയിലെത്തുന്നത്. പരിശോധനയില് പ്രസവത്തെ തുടര്ന്നുള്ള രക്തസ്രാവമെന്ന് മനസിലായതോടെ കുഞ്ഞെവിടെയെന്ന് അധികൃതര് അന്വേഷിച്ചു. 28 വയസുകാരിയായ യുവതി ഇതിനുത്തരം കൃത്യമായി പറയാതെ വന്നതോടെ ആശുപത്രി അധികൃതര് പൊലീസിനെ അറിയിച്ചു. പൊലീസ് ചോദ്യം ചെയ്തപ്പോഴാണ് മങ്കുഴിയിലെ വീട്ടിലെ ബാത്ത് റൂമില് കുട്ടിയുടെ മൃതദേഹമുണ്ടെന്ന് മറുപടി നല്കിയത് പ്രസവിച്ചപ്പോള് കുഞ്ഞ് മരിച്ചിരുന്നുവെന്നാണ് യുവതി പൊലീസിന് മൊഴി നല്കിയിരുന്നത്. എന്നാല് ഇത് പൊലീസ് വിശ്വാസത്തിലെടുത്തിരുന്നില്ല. കൊലപാതകമെന്ന നിഗമനത്തില് തന്നെയായിരുന്നു പൊലീസ്.