അച്ഛന്റെ പാട്ടിന് താളം പിടിച്ച് മകൾ, വീഡിയോ വൈറലാകുന്നു

ഗായകൻ നിക് ജൊനാസിന്റെ സംഗീതപരിപാടി കാണാനെത്തിയ മകൾ മാൾട്ടി മേരിയുടെ വീഡിയോ വൈറലാകുന്നു. നാഷ് വിൽ നടന്ന ജൊനാസ് ബ്രദേഴ്‌സിന്റെ സംഗീതപരിപാടിക്കെത്തിയ മാൾട്ടി അമ്മ പ്രിയങ്ക ചോപ്രയോടൊപ്പം സ്‌റ്റേജിനോട് ചേർന്നാണ് നിന്നിരുന്നത്. പാട്ടുപാടി തന്റെ അടുത്തെത്തിയ അച്ഛനിൽ നിന്ന് മൈക്ക് പിടിച്ചുവാങ്ങാൻ ശ്രമിക്കുന്നുണ്ട് മാൾട്ടി. നിക്കും സഹോദരൻമാരും പാടുമ്പോൾ മാൾട്ടി താളം പിടിക്കുന്നതും തുള്ളിക്കളിക്കുന്നതും വീഡിയോയിൽ കാണാം. നിമിഷനേരം കൊണ്ടാണ് വീഡിയോ വൈറലായത്. വെളുത്ത ഉടുപ്പു ധരിച്ച് നോയ്‌സ് കാൻസലിങ് ഹെഡ്‌ഫോൺ വെച്ചാണ് മാൾട്ടി എത്തിയത്. 2022 ജനുവരിയിൽ വാടക ഗർഭപാത്രത്തിലൂടെയാണ് നിക്കിനും പ്രിയങ്കക്കും മകൾ ജനിക്കുന്നത്. മാൾട്ടി മേരി ചോപ്ര ജൊനാസ് എന്നാണ് മുഴുവൻ പേര്.