പോയി പിണറായിയോട് ചോദിക്കെന്ന് ഗവര്‍ണര്‍ ആരിഫ് മുഹമ്മദ് ഖാന്‍

നിങ്ങളെന്തിനാണ് ഓരോ നിസ്സാര ചോദ്യങ്ങളുമായി എന്റെ അടുത്ത് വരുന്നത്. ഇതിനൊക്കെ ഞാന്‍ എന്തിന് മറുപടി പറയണം. നിങ്ങള്‍ പോയി മുഖ്യമന്ത്രിയോട് ചോദിക്ക്. എന്നോട് ചോദിക്കുന്നതുപോലെ എന്താണ് നിങ്ങള്‍ക്ക് പിണറായി വിജയനോട് ചോദിച്ചാല്‍. അതിന് നിങ്ങള്‍ക്കാവില്ല. അതാണ് നിങ്ങളുടെ പ്രശ്‌നം. മുഖ്യമന്ത്രി സംഘടിപ്പിച്ച ക്രിസ്മസ് പുതുവത്സര വിരുന്നില്‍ എന്താണ് ഗവര്‍ണറെ വിളിക്കാതിരുന്നതെന്ന മാദ്ധ്യമ പ്രവര്‍ത്തകരുടെ ചോദ്യത്തിനാണ് ഉരുളക്കുപ്പേരി പോലെ ഗവര്‍ണര്‍ മറുപടി പറഞ്ഞത്. പരിപാടിയുടെ ക്ഷണപത്രം അവിടെ രാജ്ഭവനില്‍ കിടപ്പുണ്ട്. നിങ്ങള്‍ക്ക വേണമെങ്കില്‍ കാണാം. പിന്നെ ഞാനെന്താ വരാതിരുന്നതെന്ന് മുഖ്യമന്ത്രിയോട് ചോദിക്കണം’ എന്നാണ് വിമാനത്താവളത്തില്‍ തന്നെ വന്നുകണ്ട മാദ്ധ്യമ പ്രവര്‍ത്തകരോട് ആരിഫ് മുഹമ്മദ് ഖാന്‍ പറഞ്ഞത്. ഈ വൃന്ദാകാരാട്ട് എപ്പോഴെങ്കിലും തിരഞ്ഞെടുപ്പില്‍ മത്സരിച്ചിട്ടുണ്ടോ എന്നും ഗവര്‍ണര്‍ ചോദിച്ചു. രാഷ്ട്രീയത്തിലിറങ്ങാന്‍ ഗവര്‍ണര്‍ക്ക് താല്പര്യമുണ്ടെങ്കില്‍ ബി.ജെ.പി ടിക്കറ്റില്‍ ആരിഫ് മുഹമ്മദ് ഖാന്‍ കേരളത്തില്‍ മത്സരിച്ചൂകൂടെയെന്ന് സി.പി.എം നേതാവ് വൃന്ദാകാരാട്ട് ചോദിച്ചിരുന്നു.