പദ്മ പുരസ്‌കാരം അപ്രതീക്ഷിതമെന്ന് ഡോ. സി.ഐ. ഐസക്

കോട്ടയം: പദ്മ പുരസ്‌കാരം തനിക്ക് ലഭിച്ചത് അപ്രതീക്ഷിതമായാണെന്ന് ഡോ. സി.ഐ. ഐസക്. തനിക്ക് വേദിയൊരുക്കിയത് ആര്‍എസ്എസ് ആണ്. വിദ്യാര്‍ഥി പരിഷത്ത് കാലം മുതല്‍ തന്റെ കഴിവ് തിരിച്ചറിഞ്ഞത് ആര്‍എസ്എസാണെന്നും അദ്ദേഹം വ്യക്തമാക്കി. താന്‍ ഒരിക്കലും പ്രതീക്ഷിച്ചതല്ല ഈ പുരസ്‌കാരമെന്നും അദ്ദേഹം പറഞ്ഞു. കഴിഞ്ഞ ദിവസം രാവിലെയാണ് പുരസ്‌കാരം തനിക്കാണെന്ന് മന്ത്രാലയത്തില്‍ നിന്ന് വിളിച്ചറിയിച്ചത്. പ്രഖ്യാപനത്തിന്
ശേഷമാണ് കുടബത്തോട് പോലും പറഞ്ഞതെന്നും അദ്ദേഹം പറഞ്ഞു. മലബാര്‍ കലാപകാരികളെ സ്വാതന്ത്ര്യ സമര സേനാനി പട്ടികയില്‍ നിന്ന് ഒഴിവാക്കിയത് ചരിത്ര വസ്തുതകള്‍ കണക്കിലെടുത്താണെന്നും അതിന്റെ പേരിലല്ല പുരസ്‌കാരം കിട്ടിയതെന്നും സി.ഐ. ഐസക് പറഞ്ഞു.

തന്റെ വളര്‍ച്ചയുടെ പിന്നില്‍ മുഴുവനും ആര്‍എസ്എസാണ്. സംഘത്തെപ്പറ്റി ആരെങ്കിലും മോശമായി പറഞ്ഞാല്‍ അത് തെറ്റാണെന്ന് തെളിയിക്കാന്‍ ജീവിക്കുന്ന ഉദാഹരണമാണ് താനാണെന്നും അദ്ദേഹം കൂട്ടി ചേര്‍ത്തു.