തങ്കലാന്‍ ടീസര്‍ എത്തി

പാ. രഞ്ജിത് സംവിധാനത്തില്‍ വിക്രമിനെ നായകനാക്കി പിറക്കുന്ന ചിത്രം ‘തങ്കലാന്റെ’ ടീസര്‍ പുറത്തിറങ്ങി. ശബ്ദം കൊണ്ടും രംഗങ്ങള്‍ കൊണ്ടും പ്രേക്ഷകരെ ആകാംഷയുടെ മുള്‍മുനയില്‍ നിര്‍ത്തുകയാണ് ടീസര്‍. ഓരോ സിനിമകളിലും പുതിയ ഗെറ്റപ്പുകളില്‍ എത്തുന്ന വിക്രം തങ്കലാനിലും മികച്ച മേക്കോവറിലാണ് എത്തിയിരിക്കുന്നത്. മാളവിക മോഹനനും പാര്‍വതി തിരുവോത്തുമാണ് നായികമാര്‍. ജാനുവരി 26ന് റിലീസ് ചെയ്യുന്ന ചിത്രം തമിഴ്, തെലുങ്ക്, ഹിന്ദി, മലയാളം, കന്നട എന്നീ ഭാഷകളില്‍ തിയേറ്ററുകളില്‍ എത്തും.