ലിയോ സിനിമയുടെ ആദ്യത്തെ പത്ത് മിനിട്ട് ഒരിക്കലും മിസ്സാക്കരുത്: ലോകേഷ് കനകരാജ്

ലോകേഷ് കനകരാജിന്റെ സംവിധാനത്തില്‍ വിജയ് നായകനായി എത്തുന്ന ലിയോ ഒക്ടോബര്‍ 19നാണ് തിയറ്ററുകളില്‍ എത്തുന്നത്. ലോകമെമ്പാടുമുള്ള വിജയ് ആരാധകര്‍ വലിയ ഹൈപ്പ് നല്‍കി കാത്തിരിക്കുന്ന ചിത്രം കൂടിയാണ് ലിയോ. ഇപ്പോഴിതാ ചിത്രെ കാണാന്‍ എത്തുന്ന പ്രേക്ഷകരോട് പുതിയ വെളിപ്പെടുത്തലുമായി എത്തിയിരിക്കുകയാണ് ചിത്രത്തിന്റെ സംവിധായകനായ ലോകേഷ് കനകരാജ്.

‘പ്രേക്ഷകരോട് പറയാനുള്ളത് ഒറ്റ കാര്യം മാത്രമാണ്… ലിയോയുടെ ആദ്യത്തെ പത്ത് മിനിറ്റ് നിങ്ങള്‍ ഒരിക്കലും മിസ്സ് ചെയ്യരുത്. ആ പത്ത് മിനിറ്റിന് വേണ്ടിയാണ് ചിത്രത്തിന്റെ വലിയൊരു ക്രൂ ഒരു വര്‍ഷത്തോളം കഷ്ടപ്പെട്ടത്. സിനിമ പൂര്‍ത്തിയാക്കാന്‍ ഒരുപാട് കഷ്ടപാട് ഉണ്ടായിരിന്നു. പക്ഷേ ആദ്യത്തെ ഈ പത്ത് മിനിറ്റിന് വേണ്ടിയാണ് ഞങ്ങള്‍ ഏറെ അധ്വാനിച്ചത്’. ലോകേഷ് പറയുന്നു. ആദ്യത്തെ ഈ പത്ത് മിനിട്ട് ഉറപ്പായിട്ടും പ്രേക്ഷകര്‍ക്ക് വിരുന്ന് തന്നെ ആയിരിക്കുമെന്നും ലോകേഷ് കൂട്ടിചേര്‍ത്തു. ഗോപിനാഥ് എന്ന യൂട്യൂബ് ചാനലിന് നല്‍കിയ അഭിമുഖത്തില്‍ സംസാരിക്കവേയാണ് അദ്ദേഹം ഇക്കാര്യം പറഞ്ഞത്.