ഇടുക്കിയില്‍ യുവാവ് കുത്തേറ്റ് മരിച്ച നിലയില്‍; മൃതദേഹം വഴിയരികില്‍

തൊടുപുഴ: ഇടുക്കിയില്‍ യുവാവ് കുത്തേറ്റ് മരിച്ചു. കുമളി റോസപ്പൂക്കണ്ടത്ത് വാടകയ്ക്ക് താമസിക്കുന്ന രുക്മാന്‍ അലി (36) എന്ന യുവാവാണ് കൊല്ലപ്പെട്ടത്.

വഴിയരികില്‍ കുത്തേറ്റു മരിച്ച നിലയില്‍ ഇയാളെ കണ്ടെത്തുകയായിരുന്നു. കുമളി പൊലീസ് അന്വേഷണം ആരംഭിച്ചു. സംഭവവുമായി ബന്ധപ്പെട്ട് രണ്ട് പേരെ പൊലീസ് കസ്റ്റഡിയില്‍ എടുത്തതായും സൂചനയുണ്ട്.