തൃശൂര്‍ റെയില്‍വേ സ്റ്റേഷനില്‍ പെട്രോളുമായി യുവാവ് പിടിയില്‍

തൃശൂര്‍: തൃശൂര്‍ റെയില്‍വേ സ്റ്റേഷനില്‍ രണ്ടര ലിറ്റര്‍ പെട്രോളുമായി യുവാവ് പിടിയില്‍. ബെമഗ്ലൂരു കന്യകുമാരി ഐലന്റ് എക്‌സ്പ്രസില്‍ വന്ന യുവാവാണ് പിടിയിലായത്. കോട്ടയം സ്വദേശിയായ സേവിയര്‍ വര്‍ഗീസ്‌നെയാണ് ആര്‍പിഎഫ് അറസ്റ്റ് ചെയ്തത്. ബെംഗളൂരുവില്‍ നിന്ന് തൃശൂരില്‍ എത്തിയതാണ് യുവാവ്. ട്രെയിനില്‍ വാഹനം കയറ്റി വിട്ടിരുന്നു എന്നും ആ വാഹനത്തിന്റെ പെട്രോള്‍ ആണ് കുപ്പിയില്‍ ഉണ്ടായിരുന്നതെന്നുമാണ് പ്രതി പറഞ്ഞത്. വാഹനം പാര്‍സല്‍ അയക്കുമ്പോള്‍ പെട്രോള്‍ ഉണ്ടാകരുത് എന്നതിനാലാണ് പെട്രോള്‍ കുപ്പിയില്‍ സൂക്ഷിച്ചതെന്നും പ്രതി മൊഴി നല്‍കി.