ലാല്‍ സിങ് ഛദ്ദക്ക് സംഭവിച്ചത്

ഹൃദയത്തോട് ഏറ്റവും ചേര്‍ന്നു നില്‍ക്കുന്ന ചിത്രമാണ് ലാല്‍ സിങ് ഛദ്ദയെന്ന് നടന്‍ ആമിര്‍ ഖാന്‍. ചിത്രം പരാജയപ്പെട്ടതോടെ സംഭവിച്ച തെറ്റുകള്‍ മനസിലായെന്നും ഒരുപാട് ആളുകളുടെ സ്‌നേഹം കിട്ടിയെന്നും ആമിര്‍ ഖാന്‍ പറഞ്ഞു. ചിത്രത്തിനായി അദ്വൈതും കരീനയും ലാല്‍ സിങ് ഛദ്ദയുടെ മുഴുവന്‍ അംഗങ്ങളും കഠിനമായി പ്രവര്‍ത്തിച്ചു. പക്ഷേ ചിത്രം ശരിയായി വന്നില്ല. എന്നാല്‍ ചിത്രത്തിന്റെ പരാജയത്തോടെ രണ്ട് കാര്യങ്ങള്‍ സംഭവിച്ചു. ഒന്ന് കുടുംബാംഗങ്ങളും സുഹൃത്തുക്കളും എന്നിലേക്ക് കൂടുതല്‍ അടുത്തു. എനിക്ക് ഒരുപാട് സ്‌നേഹം കിട്ടിയത് പോലെ തോന്നി. മറ്റൊന്ന് സിനിമയില്‍ സംഭവിച്ച തെറ്റുകള്‍ മനസിലാക്കാനായി. ആ സിനിമയുടെ വിവിധ ഘട്ടങ്ങളില്‍ ഒരുപാട് തെറ്റുകള്‍ സംഭവിച്ചിട്ടുണ്ട്. ദൈവത്തിന് നന്ദിയുണ്ട്, ആ ഒറ്റ സിനിമയില്‍ മാത്രമേ ആ തെറ്റുകള്‍ ഞാന്‍ ചെയ്തിട്ടുള്ളൂ. സിനിമയുടെ പരാജയം ഉണ്ടാക്കിയ വേദനയില്‍ നിന്ന് മുക്തനാകാന്‍ സമയമെടുത്തു’ ആമിര്‍ ഖാന്‍ വ്യക്തമാക്കി.