മലയാള സിനിമയുടെ ചരിത്രത്തിൽ എന്നും എക്കാലവും ശ്രീ.ഇന്നസെന്റിന്റെ പേര് മായാതെ നിലനിൽക്കും-വി.മുരളീധരൻ

മലയാളത്തിന്റെ അതുല്യ നടൻ ഇന്നസെന്റിന്റെ മരണത്തിൽ അനുശോചനമറിയിച്ച് കേന്ദ്രമന്ത്രി വി.മുരളീധരൻ. തന്റെ ഫെയ്സ്ബുക്ക് പേജിലൂടെയാണ് അദ്ദേഹം ഇന്നസെന്റിന് ആദരാഞ്ജലിയർപ്പിച്ചത്.

എണ്ണിയാൽ തീരാത്തത്ര കഥാപാത്രങ്ങളിലൂടെ മലയാളികളെ ചിരിപ്പിക്കുകയും ചിന്തിപ്പിക്കുകയും ചെയ്ത ശ്രീ. ഇന്നസെന്റിന്റെ വേർപാട് അതീവ ദുഃഖകരമാണ്.
കിലുക്കം, കാബൂളിവാല, മണിച്ചിത്രത്താഴ്, വിയറ്റ്നാം കോളനി, ഗോഡ്ഫാദർ ഈ നിമിഷം ഓർമയിലേക്ക് ഓടിവരുന്ന പ്രിയ കഥാപാത്രങ്ങൾ ഏറെയാണ്. ഹാസ്യത്തിന് അപ്പുറം സ്വഭാവനടനായും നമ്മെ അതിശയിപ്പിച്ച അദ്ദേഹം ആടി തിമിർത്ത കഥാപാത്രങ്ങളിലൊന്നും മറ്റൊരു താരത്തെ ചിന്തിക്കാൻ പോലും സാധിക്കില്ല.
മലയാള സിനിമയുടെ ചരിത്രത്തിൽ എന്നും എക്കാലവും ശ്രീ.ഇന്നസെന്റിന്റെ പേര് മായാതെ നിലനിൽക്കും.
അതുല്യ കലാകാരന് പ്രണാമം
കുടുംബത്തിന്റെ, ബന്ധുക്കളുടെ, സുഹൃത്തുക്കളുടെ ദുഃഖത്തിൽ പങ്കുചേരുന്നു.