പെട്ടന്ന് ഒരു കുടുംബ ചിത്രം, പുതിയ പോസ്റ്റ് വൈറലാവുന്നു!

വിവാഹ ജീവിതത്തിന്റെ പേരില്‍ എന്നും വിമര്‍ശിക്കപ്പെട്ട ഒരു നടി മലയാളത്തിലുണ്ടെങ്കില്‍ അത് കാവ്യ മാധവന്‍ തന്നെയാണ്. ആദ്യത്തെ വിവാഹം പരാജയപ്പെട്ടതുമുതലാണ് കാവ്യയ്ക്ക് ഹേറ്റേഴ്സ് വന്നു തുടങ്ങിയത്. ഇപ്പോഴിതാ പഴയൊരു കുടുംബ ഫോട്ടോ ഇന്‍സ്റ്റഗ്രാമില്‍ പങ്കുവച്ച് എത്തിയിരിക്കുകയാണ് നടി. ഈ ഫോട്ടോ ആരാധകര്‍ക്ക് അപരിചിതമല്ല. അച്ഛനും അമ്മയ്ക്കും ചേട്ടനും ഒപ്പം നില്‍ക്കുന്ന കാവ്യയുടെ കുട്ടിക്കാല ചിത്രങ്ങളെല്ലാം സോഷ്യല്‍ മീഡിയയിലൂടെ പുറത്തുവന്നിട്ടുള്ളതാണ്. എന്നാലും പെട്ടന്ന് എന്താണ് ഈ ചിത്രം ഇപ്പോള്‍ ഇന്‍സ്റ്റഗ്രാമില്‍ പങ്കുവച്ചത് എന്ന സംശയത്തിലാണ് ആരാധകര്‍. ലവ് ഇമോജി മാത്രമാണ് ഫോട്ടോയ്ക്ക് ക്യാപ്ഷനായി നല്‍കിയത്. ബാലതാരമായി വന്ന് നായികയായി വളര്‍ന്നപ്പോഴും, മലയാളികളുടെ പ്രിയപ്പെട്ടവളായി. ആദ്യ വിവാഹം വരെയും കാവ്യയെ സ്നേഹിക്കുന്നവര്‍ മാത്രമായിരുന്നു കേരളക്കരയില്‍. ആ ദാമ്പത്യ ജീവിതം പരാജയപ്പെട്ടതോടെ പലതരത്തിലുള്ള ഗോസിപ്പുകളും വന്നു. എന്നാല്‍ ഒന്നിനോടും പ്രതികരിക്കാതെ, അഭിനയത്തില്‍ നിന്നും പൂര്‍ണമായി അകന്ന് തന്റെ സ്വകാര്യ ജീവിതം ആസ്വദിയ്ക്കുകയാണ് നടി ഇപ്പോള്‍.