ഹാട്രിക് 100 കോടിക്കായി ശിവകാര്ത്തികേയന്, ‘പ്രിന്സ്’ ചിത്രീകരണം പൂര്ത്തിയായി
1 min read
തമിഴകത്ത് തുടര് ഹിറ്റുകളുടെ തിളക്കത്തിലാണ് ശിവകാര്ത്തികേയന്. ശിവകാര്ത്തികേയന്റേതായി ഏറ്റവും ഒടുവില് റിലീസ് ചെയ്ത ‘ഡോക്ടര്’, ‘ഡോണ്’ എന്നീ ചിത്രങ്ങള് 100 കോടി ക്ലബ്ബില് കടന്നിരുന്നു. ഇനി പ്രേക്ഷകര് ശിവകാര്ത്തികേയന്റേതായി ആകാംക്ഷയോടെ കാത്തിരിക്കുന്ന ചിത്രം ‘പ്രിന്സ്’ ആണ്. അനുദീപ് കെ വി സംവിധാനം ചെയ്യുന്ന ‘പ്രിന്സിന്റെ’ ചിത്രീകരണം പൂര്ത്തിയായിരിക്കുകയാണ്.
ഒരു ഗാനരംഗത്തിന്റെ ചിത്രീകരണത്തോടെയാണ് പ്രിന്സ് പൂര്ത്തിയായിരിക്കുന്നത്. ‘പ്രിന്സി’ന്റെ ഡിജിറ്റല് റൈറ്റ്സ് ഡിസ്നി പ്ലസ് ഹോട്സ്റ്റാര് 42 കോടി രൂപയ്ക്കാണ് സ്വന്തമാക്കിയത് എന്ന് അടുത്തിടെ റിപ്പോര്ട്ടുണ്ടായിരുന്നു. ജി കെ വിഷ്ണു ആണ് ചിത്രത്തിന്റെ ഛായാഗ്രാഹണം നിര്വഹിച്ചിരിക്കുന്നത്. ഒരു റൊമാന്റിക് കോമഡി ചിത്രമായിട്ട് ഒക്ടോബര് 21ന് റിലീസ് ചെയ്യാനിരിക്കുന്ന ചിത്രത്തിന്റെ സംഗീത സംവിധാനം തമന് എസ് ആണ്.
ശ്രീ വെങ്കടേശ്വരന് സിനിമാസ് എല്എല്പിയാണ് ‘പ്രിന്സ്’ നിര്മിക്കുന്നത്. വിദേശ യുവതിയുമായി പ്രണയത്തിലാകുന്ന തമിഴ് ടൂറിസ്റ്റ് ഗൈഡായിട്ടാണ് ശിവകാര്ത്തികേയന് ചിത്രത്തില് അഭിനയിക്കുന്നത്. ‘പ്രിന്സ്’ എന്ന ചിത്രത്തില് സത്യരാജും ഒരു പ്രധാന കഥാപാത്രമായി എത്തുന്നു.’പ്രിന്സി’ല് യുക്രൈന് താരം മറിയ റ്യബോഷ്പ്കയാണ് നായിക. പ്രേംഗി അമരെന്, പ്രാങ്ക്സ്റ്റെര് രാഹുല് തുടങ്ങിയവരും ചിത്രത്തിലുണ്ട്. കരൈക്കുടിയാണ് ലൊക്കേഷന്. ‘പ്രിന്സി’ന്റെ തിയറ്റര് വിതരണാവകാശം തമിഴ്നാട്ടില് പ്രമുഖ ബാനറായ ഗോപുരം സിനിമാസ് സ്വന്തമാക്കിയെന്ന് വാര്ത്തയുണ്ടായിരുന്നു.
Related posts:
ഇനി മത്സരം മലയാളം പ്രേമലുവും തമിഴ് പ്രേമലുവും തമ്മില്
ഒരു ഗാനത്തിനായി ചിലവഴിച്ചത് 20 മണിക്കൂര്; പിറന്നത് ക്ലാസിക് ഗാനങ്ങള്
മാധവ് സുരേഷിന്റെ 'കുമ്മാട്ടിക്കളി' ഒരുങ്ങുന്നു
മമ്മൂട്ടി ചിത്രം ഒ.ടി.ടിക്കാര്ക്ക് വേണ്ട
ത്രില്ലറായ ജന ഗണ മന
കോടികളുടെ ആസ്തിയും വന് പ്രതിഫലവും
രാം ചരണിനെ അപമാനിച്ച് ഷാറൂഖ് ഖാന്
പ്രേമലുവിന്റെ ഫ്രീ ടിക്കറ്റ് സമ്മാനിച്ച് ഭാവന സ്റ്റുഡിയോസ്
ഭാര്ഗവിയുടെ നീലവെളിച്ചം
മലയാളത്തിന്റെ മണിമുത്ത് വിടപറഞ്ഞിട്ട് എട്ട് വര്ഷം !
ഡെവിള്സ് കിച്ചന് അങ്ങനെ ഗുണ കേവ്സായി
മുരളി അങ്ങനെ ചെയ്യുമെന്ന് കരുതിയില്ല: കമല്
ഒരു പിള്ളാര് പടം; മഞ്ഞുമ്മല് ബോയ്സ്