സന്തോഷ്‌ട്രോഫി : സർവീസസിന് മൂന്നാം സ്ഥാനം

റിയാദ് : സന്തോഷ്‌ ട്രോഫി ലൂസേർസ് ഫൈനലിൽ പഞ്ചാബിനെ തകർത്ത് സർവീസസ് മൂന്നാം സ്ഥാനം കരസ്ഥമാക്കി. റിയാദിലെ കിങ് ഫഹദ് രാജ്യാന്തര സ്റ്റേഡിയത്തിൽ നടന്ന മത്സരത്തിൽ എതിരില്ലാത്ത രണ്ട്‌ ഗോളുകൾക്കായിരുന്നു സർവീസസിന്റെ ജയം.
കളി തുടങ്ങി ഏഴാം മിനിറ്റിലാണ് സഫീൽ.പി.പി ഗോൾവല ചലിപ്പിക്കുന്നത്. ബോക്സിന് പുറത്തുനിന്ന് ലഭിച്ച പന്ത് സഫീൽ ഒരു ലോങ്‌ഷോട്ടിലൂടെ വലയിലെത്തിക്കുകയായിരുന്നു. 60-ാം മിനിറ്റിൽ ക്രിസ്റ്റഫർ കഫെ സർവീസസിനായി രണ്ടാം ഗോളും നേടി. പന്ത് ക്ലിയർ ചെയ്യുന്നതിനിടയിൽ പഞ്ചാബിന്റെ പ്രതിരോധ നിരയിലുണ്ടായ പിഴവാണ്‌ ഗോളിന് കാരണമായത്. പന്ത് പിടിച്ചെടുത്ത ക്രിസ്റ്റഫർ ഒരു ലോങ്‌റേഞ്ചിലൂടെ പന്ത് വലയിലെത്തിച്ചു.
ഫൈനൽ മത്സരം മേഘാലയും കർണാടകവും തമ്മിലാണ്.