ശബരിമലയില്‍ വെടിമരുന്നിന് തീപിടിച്ചുണ്ടായ അപകടത്തില്‍ മൂന്ന് പേര്‍ക്ക് പൊള്ളലേറ്റു

പത്തനംതിട്ട: ശബരിമലയില്‍ മാളികപ്പുറത്തിനടുത്ത് വെടിമരുന്ന് നിറക്കുന്നതിനിടെ ഉണ്ടായ പൊട്ടിത്തെറിയില്‍ മൂന്നുപേര്‍ക്ക് പരിക്ക്. എ.ആര്‍. ജയകുമാര്‍, അമല്‍, രതീഷ് എന്നിവര്‍ക്കാണ് പരിക്കേറ്റത്. മൂന്നുപേരെയും സന്നിധാനത്തെ സര്‍ക്കാര്‍ ആശുപത്രിയില്‍ പ്രവേശിപ്പിച്ചു. ഇവര്‍ മൂന്നുപേരും സ്ഥിരമായി കതിന നിറക്കുന്നവരാണ്. മൂന്ന് പേര്‍ക്കും സാരമായ പരിക്കേറ്റിറ്റുണ്ട് എന്നാണ് റിപ്പോര്‍ട്ടുകള്‍. തീര്‍ത്ഥാടകര്‍ ഉള്ള സ്ഥലത്തല്ല അപകടം നടന്നിരിക്കുന്നത്. അപകട കാരണം അന്വോഷിക്കുമെന്ന് ഡ്യൂട്ടി മജിസ്‌ട്രേറ്റ് അറിയിച്ചു