റംസാന്‍ വ്രതം ആരംഭിച്ച വിശ്വാസികള്‍ക്ക് ആശംസ നേര്‍ന്ന് പ്രധാനമന്ത്രി നരേന്ദ്രമോദി

ന്യൂഡല്‍ഹി: റംസാന്‍ വ്രതാരംഭത്തിന് പിന്നാലെ എല്ലാ വിശ്വാസികള്‍ക്കും ആശംസ നേര്‍ന്ന് പ്രധാനമന്ത്രി നരേന്ദ്രമോദി. ട്വിറ്ററിലൂടെയാണ് അദ്ദേഹം ഇസ്ലാമത വിശ്വാസികള്‍ക്ക് ആശംസ അറിയിച്ചത്.

എല്ലാ വിശ്വാസികള്‍ക്കും റംസാന്‍ ആശംസകള്‍ നേരുന്നതായി അറിയിച്ച പ്രധാനമന്ത്രി നമ്മുടെ സമൂഹത്തില്‍ കൂടുതല്‍ ഐക്യവും സാഹോദര്യവും ഉണ്ടാകാന്‍ ഈ പുണ്യമാസത്തില്‍ കഴിയട്ടെ എന്നറിയിച്ചു. പാവങ്ങളെ സഹായിക്കുന്നതിന്റെ പ്രാധാന്യം വിളിച്ചോതുന്ന മാസമാകട്ടെ ഇതെന്നും പ്രധാനമന്ത്രി പറഞ്ഞു.

ഇന്നലെയായിരുന്നു റംസാന്‍ വ്രതം ആരംഭിച്ചത്. ഏപ്രില്‍ 21നാണ് റംസാന്‍. പ്രധാനമന്ത്രിക്ക് തിരിച്ചും ആശംസകള്‍ നേര്‍ന്ന് നിരവധി പേരാണ് ട്വീറ്റ് ചെയ്തത്.