വൈറലായി പേളിയുടെ ബേബി ഷവര്‍ ഫോട്ടോകള്‍

രണ്ടാമത്തെ കുഞ്ഞിനായി കാത്തിരിക്കുകയാണ് പേളിയും ശ്രീനിഷും നില ബേബിയും. ഗര്‍ഭിണിയാണെന്ന് അറിയിച്ച മുതല്‍ തന്റെ ഗര്‍ഭകാല വിശേഷങ്ങള്‍ പേളി പങ്കുവയ്ക്കാറുണ്ട്. ഇത്തരത്തില്‍ പങ്കവയ്ക്കുന്ന വീഡിയോകളും ഫോട്ടോകളും എല്ലാംതന്നെ നിമിശനേരം കൊണ്ട് വൈറലാവാറുമുണ്ട്. ഇപ്പോള്‍ ബേബി ഷവര്‍ ഫോട്ടോകളാണ് പേളി തന്റെ ഇന്‍സ്റ്റഗ്രാമില്‍ പങ്കുവച്ചിരിക്കുന്നത്. അമ്മയുടെ വലിയ വയര്‍ കൗതുകത്തോടെ നോക്കി നില്‍ക്കുന്ന നിലയെയും ഫോട്ടോയില്‍ കാണാം. തങ്ങളുടെ പുതിയ ജീവിതത്തിലേക്ക് കുഞ്ഞതിഥിയെ സ്വാഗതം ചെയ്യാന്‍ തയ്യാറാണ് എന്ന് ഫോട്ടോയ്‌ക്കൊപ്പം താരം കുറിച്ചു. ഒപ്പം മനോഹരമായ ഈ ആഘോഷം ഒരുക്കിയ സഹോദരി റേച്ചല്‍ മാണിക്ക് പേളി നന്ദി പറയുന്നുമുണ്ട്. കഴിഞ്ഞ ദിവസം നിലയ്ക്ക് ഒപ്പമുള്ള ഫോട്ടോകള്‍ പേളി പങ്കുവച്ചതും ഏറെ ശ്രദ്ധ നേടിയിരുന്നു. ‘എന്നെ അമ്മയാക്കാന്‍ പഠിപ്പിച്ചത് നിലയാണ്’ എന്ന് കുറിച്ചുകൊണ്ടാണ് പേളി നിലയ്‌ക്കൊപ്പമുള്ള ചിത്രം പങ്കുവച്ചത്. മകള്‍ക്കൊപ്പമുള്ള ഫോട്ടോ ശ്രീനിഷും പങ്കുവച്ചിരുന്നു.