രാമന് അമ്പും വില്ലും കിരീടവുമായി നീൽസേന അയോധ്യയിലേക്ക്

ഭഗവാൻ ശ്രീരാമന് നൽകാനുള്ള സമ്മാനങ്ങളുമായി ബിഹാറിലെ നിഷാദ സംഘടനയായ നീൽസേന അയോധ്യയിലേക്ക്. സ്വർണം കൊണ്ടുള്ള കിരീടവും വെള്ളിയിൽ തീർത്ത അമ്പും വില്ലുമാണ് രാമന് സമ്മാനമായി നൽകുന്നത്.  501 പേരടങ്ങുന്ന സംഘം മിഥിലയിലെ ഗരീബ് നാഥ് ക്ഷേത്രത്തിൽ നിന്ന് കാൽനടയായാണ് അയോധ്യയിൽ എത്തുക.. അംഗവസ്ത്രം, പാദുകം, സീതാദേവിക്കുള്ള പതിനാറിന ചായക്കൂട്ടുകൾ, രാമായണ പ്രസിദ്ധമായ പുണ്യ കേന്ദ്രങ്ങളിൽ നിന്നുള്ള മണ്ണ് എന്നിവയും കൊണ്ടുപോകുന്നുണ്ട്. ബിഹാറിലെ വിവിധ ജില്ലകളിൽ നിന്നുള്ളവരാണ് യാത്രയിൽ പങ്കെടുക്കുക.