പാക് ക്രിക്കറ്റര്‍ മിയാന്‍ ദാദിന്റെ ശാപം ഇന്ത്യനശിക്കട്ടെ

ഏഷ്യാ കപ്പ് ക്രിക്കറ്റ് ടൂര്‍ണമെന്റിനായി പാകിസ്ഥാനിലേക്ക് ഇന്ത്യന്‍ ടീമിനെ അയയ്ക്കില്ലെന്ന് തീരുമാനത്തെ തുടര്‍ന്ന് ബി.സി.സി.ഐയ്ക്കും ഇന്ത്യന്‍ ടീമിനുമെതിരെ മുന്‍ പാക് ക്രിക്കറ്റര്‍ ജാവേദ് മിയാന്‍ ദാദിന്റെ ആക്രോശം.

ഈ വര്‍ഷത്തെ ഏഷ്യാ കപ്പില്‍ പങ്കെടുക്കാതിരിക്കുന്നതിന് ഇന്ത്യക്കെതിരെ ഐ.സി.സി നടപടിയെടുക്കണമെന്നും മിയാന്‍ ദാദ് ആവശ്യപ്പെട്ടു. ഞാന്‍ എപ്പോഴും പാകിസ്ഥാന്‍ കാരനാണ്. എപ്പോഴും പാകിസ്ഥാനെ പിന്തുണയ്ക്കും. ഏഷ്യാ കപ്പിനെ ഇന്ത്യ വന്നില്ലെങ്കില്‍ നടപടിയെടുക്കുകയാണ് വേണ്ടത്. വന്നാലും വന്നില്ലെങ്കിലും ഞങ്ങള്‍ക്ക് പ്രശ്‌നമില്ല. ഞങ്ങളാണ് ആതിഥേയര്‍. മിയാന്‍ ദാദ് പറഞ്ഞു. ഇന്ത്യക്കെതിരെ നടന്ന ലോകകപ്പ് മത്സരങ്ങളില്‍ അവസാനത്തെ 13ല്‍ 12ലുംമറ്റ് മത്സരങ്ങളിലുംതോറ്റിട്ടും പാകിസ്ഥാനെ പേടിച്ചാണ് ഇന്ത്യ അവരോട് മത്സരിക്കാത്തതെന്നാണ് മിയാന്‍ദാദ് പറയുന്നത്.

അതേ സമയം ഏഷ്യാകപ്പ് സ്ഥലം അന്തിമമായില്ലെന്നാണ് ഇന്ത്യയുടെ നിലപാട്. പാകിസ്ഥാന് പകരം തര്‍ക്കരഹിതമായി സ്ഥലത്ത് ടൂര്‍ണമെന്റ് നടത്തണമെന്നാണ് ബി.സി.സി.ഐ പ്രസിഡന്റ് ജയ്ഷാ പറയുന്നത്.

ക്രിക്കറ്റ് കളിക്കാന്‍ പാകിസ്ഥാനിലേക്ക് വരാന്‍ ആഗ്രഹിക്കുന്നില്ലെങ്കില്‍ ഇന്ത്യക്ക് നരകത്തില്‍ പോകാം, ’65 കാരനായ അദ്ദേഹം അടുത്തിടെ ഒരു പൊതു പരിപാടിയില്‍ പറഞ്ഞു. ‘ഞാന്‍ എപ്പോഴും പാക്കിസ്ഥാനെ പിന്തുണച്ചിട്ടുണ്ട്. ഒരു പ്രശ്‌നം ഉണ്ടാകുമ്പോഴെല്ലാം ഞാന്‍ ഇന്ത്യയെ വെറുതെ വിടില്ലെന്ന് നിങ്ങള്‍ക്കറിയാം. എന്നാല്‍ നമ്മുടെ ഭാഗം നോക്കേണ്ടതുണ്ട് എന്നതാണ് കാര്യം. അതിനായി നമ്മള്‍ പോരാടുകയും വേണം. ഞങ്ങളുടെ ക്രിക്കറ്റ് ആതിഥേയത്വം വഹിക്കുന്നതിനാല്‍ ഞങ്ങള്‍ കാര്യമാക്കുന്നില്ല. ഇതാണ് ഐസിസിയുടെ ജോലി. ഐസിസിക്ക് ഇത് നിയന്ത്രിക്കാന്‍ കഴിയുന്നില്ലെങ്കില്‍ ഭരണസമിതിയെക്കൊണ്ട് പ്രയോജനമില്ല. ഓരോ ടീമിനും സമാനമായ നിയമങ്ങള്‍ അവര്‍ നടപ്പിലാക്കേണ്ടതുണ്ട്. ഇതുപോലുള്ള ടീമുകള്‍ വന്നില്ലെങ്കില്‍ അവരെ ഡീബാര്‍ ചെയ്യണമെന്നും താരം പറഞ്ഞു. പാകിസ്താനില്‍ കളി നടത്തിയില്ലെങ്കില്‍ കളിയില്‍ നിന്ന് പിന്‍മാറുമെന്നും അദ്ദേഹം പറഞ്ഞു.

ഇന്ത്യയ്‌ക്കെതിരായ 13 ലോകകപ്പ് മത്സരങ്ങളില്‍ 12 എണ്ണത്തിലും മറ്റ് എണ്ണമറ്റ മത്സരങ്ങളിലും പാകിസ്ഥാന്‍ പരാജയപ്പെട്ടിട്ടുണ്ടെങ്കിലും, തോല്‍വി ഭയം കാരണം പാക്കിസ്ഥാനെ നേരിടാന്‍ ഇന്ത്യ ഭയപ്പെടുന്നുവെന്നും പാകിസ്ഥാന്‍ ക്രിക്കറ്റ് താരം പറഞ്ഞു. ഇന്ത്യ തോറ്റാല്‍ ഇന്ത്യാക്കാര്‍ മുഴുവന്‍ നരേന്ദ്രമോദിക്കു നേരെ തിരിയുമെന്നും അദ്ദേഹം രാജിവയ്‌ക്കേണ്ടി വരുമെന്നും അതുകൊണ്ടാണ് കളി നടത്താതെന്നും അദ്ദ്ഹം കൂട്ടിചേര്‍ത്തു.