മലൈക്കോട്ടൈ വാലിബന്റെ കമ്മലിനുണ്ടൊരു പ്രത്യേകത

മലൈക്കോട്ടൈ വാലിബന്‍ സിനിമയിലെ മോഹന്‍ലാലിന്റെ കമ്മലിനൊരു പ്രത്യേകത ഉണ്ട്. സിനിമയുടെ രണ്ടാം ടീസര്‍ ഇറങ്ങിയപ്പോള്‍ എല്ലാവരുടെയും ശ്രദ്ധ മോഹന്‍ലാലിന്റെ കാതിലെ കമ്മലിലായിരുന്നു. ലാലേട്ടന്റെ ഡയലോഗിനൊപ്പം ടീസറില്‍ കാണിച്ച ആദ്യ ഷോട്ട് തന്നെ കാതിലെ കമ്മല്‍ ആണ്…സേതു ശിവാനന്ദന്‍ എന്ന കണ്‍സെപ്റ്റ് ആര്‍ട്ടിസ്റ്റ് പങ്കുവച്ച വിഡിയോയിലൂടെയാണ് മഞ്ഞനിറത്തിലുള്ള കല്ല് പതിപ്പിച്ച ആ കമ്മലിനു പിന്നിലെ കഥപറയുന്നത്. കാതില്‍ ചുറ്റിക്കിടക്കുന്ന കമ്മലും അതിന്റെ കഥ പറയുന്ന വീഡിയോയുമാണ് ഇപ്പോള്‍ വൈറലാകുന്നത്. സംവിധായകന്‍ ലിജോ ജോസ് പെല്ലിശേരിയുടെയും കോസ്റ്റ്യൂം ഡിസൈനര്‍ സുജിത്തിന്റെയും നിര്‍ദേശപ്രകാരം തന്റെ അച്ഛന്‍ നിര്‍മ്മിച്ച കമ്മലാണ് ഇതെന്ന്
സേതു പറയുന്നു. കമ്മല്‍ നിര്‍മിക്കുന്ന വിഡിയോയും സേതു പങ്കുവച്ചിട്ടുണ്ട്..ഈ ആഭരണത്തിന് റഫ് ഫീല്‍ വേണം, കൈകൊണ്ടു നിര്‍മിച്ചതാകണം എന്നാണു ലിജോ സാര്‍ പറഞ്ഞത്….അപ്രകാരം ആണ് ഈ കമ്മല്‍ ഉണ്ടാക്കിയത്. …ഇന്നലെ സിനിമയുടെ ടീസര്‍ കണ്ടപ്പോള്‍ ഞങ്ങള്‍ക്ക് ഒരുപാട് സന്തോഷമായെന്നും സേതു കൂട്ടി ചേര്‍ത്തു.