ഒടുക്കത്തെ പിറന്നാളാകട്ടെ : ഹമാസിന് ജന്മദിന ആശംസയുമായി ഇസ്രായേൽ

സ്ഥാപകദിനത്തിൽ ഹമാസിനു സന്ദേശവുമായി ഇസ്രായേൽ. ”36-ാമത്തെ ജന്മദിനം. ഇത് അവസാനത്തേതാകട്ടെ” എന്നാണ് ഔദ്യോഗിക എക്‌സ് അക്കൗണ്ടിലൂടെയുള്ള ഇസ്രായേലിന്റെ ആശംസ. കേക്കിനു മുകളിൽ മൂന്ന് റോക്കറ്റുകൾ വെച്ച ചിത്രത്തോടൊപ്പമാണ് ഈ സന്ദേശം പങ്കുവെച്ചിരിക്കുന്നത്. ഹമാസിൽ നിന്ന് ഗാസയെ സ്വതന്ത്രമാക്കുക എന്ന ഹാഷ് ടാഗും ഇതോടൊപ്പമുണ്ട്.

ഹമാസിനെതിരെ ഒക്‌ടോബറിൽ ആരംഭിച്ച യുദ്ധം ഇപ്പോഴും തുടരുകയാണ് ഇസ്രായേൽ.. ഹമാസിനെ തുരത്താൻ അവരുടെ തുരങ്കങ്ങളിലേക്ക് ഇസ്രായേൽ സൈന്യം കടൽവെള്ളം പമ്പു ചെയ്യാൻ തുടങ്ങിയെന്നാണ് പുതിയ റിപ്പോർട്ടുകൾ. തുരങ്കങ്ങളാണത്രേ അവരുടെ ഒളിത്താവളങ്ങൾ. പോരാളികൾ മാത്രമല്ല, യുദ്ധോപകരണങ്ങളും ഹമാസ് ഒളിപ്പിച്ചു വച്ചിരിക്കുന്നത് ഈ തുരങ്കങ്ങളിലാണ് എന്നാണ് ഇസ്രായേലിന്റെ വിശ്വാസം.