അമ്പലപുഴയില്‍ വീട് കയറി ആക്രമണം: വൃദ്ധയുള്‍പ്പെടെ നാല് പേര്‍ക്ക് പരിക്ക്

ആലപ്പുഴ: അമ്പലപ്പുഴയില്‍ വീട് കയറി ആക്രമണത്തില്‍ വൃദ്ധയുള്‍പ്പെടെ നാല് പേര്‍ക്ക് പരിക്ക്. സച്ചിന്‍, അമ്മൂമ്മ ശോഭന, ബന്ധുക്കളായ പ്രീതി, നീനു എന്നിവര്‍ക്കാണ് പരിക്കേറ്റത്. സ്ഥലത്തെത്തിയ പൊലീസിന് നേരെയും കയ്യേറ്റമുണ്ടായി.

ആക്രമണം നടത്തിയവരില്‍ അജിത്, സുധിലാല്‍ രാഹുല്‍ എന്നിവരെ പൊലീസ് അറസ്റ്റ് ചെയ്തു. ആക്രമിച്ചത് സിപിഎം പ്രവര്‍ത്തകരാണെന്ന ആരോപണം ഉയരുന്നുണ്ട്. എന്നാല്‍ ആക്രമണത്തില്‍ രാഷ്ട്രീയമില്ലെന്നാണ് പൊലീസ് പറയുന്നത്.

ഉല്‍സവ പറമ്പിലുണ്ടായ തര്‍ക്കത്തിന്റെ തുടര്‍ച്ചയായാണ് ആക്രമണമുണ്ടായത്.