ഹരിത വി.കുമാര്‍ ആലപ്പുഴ കളക്ടര്‍

തിരുവനന്തപുരം :ആലപ്പുഴ, തൃശൂര്‍ ജില്ലാ കളക്ടര്‍മാരെ പരസ്പരം മാറ്റി. തൃശൂര്‍ ജില്ലാ കളക്ടര്‍ ഹരിത വി കുമാറിനെ ആലപ്പുഴ ജില്ലാ കളക്ടറായും ആലപ്പുഴയിലെ നിലവിലെ ജില്ലാ കളക്ടര്‍ വി.ആര് കെ.തേജ് മൈലവരപ്പിനെ തൃശൂരിലും മാറ്റി നിയമിച്ചു. വയനാട് കളക്ടര്‍ എ.ഗീതയെ കോഴിക്കോട് കളക്ടറായും എറണാകുളം ജില്ലാ കളക്ടര്‍ ഡോ.രേണുരാജിനെ വയനാട് കളക്ടറായും നിയമിച്ചു. ധനകാര്യ വകുപ്പിലെ ഒ.എസ്.ഡി ആയ മുഹമ്മദ് സഫറുള്ളയ്ക്ക് ഇ- ഹെല്‍ത്ത് പ്രോജക്ട് ഡയറക്ടറുടെ അധിക ചുമതല നല്‍കി. ചീഫ് സെക്രട്ടറിയുടെ സറ്റാഫ് ാഫീസര്‍ ആയ ഉമേഷ് എന്‍.എസ്.കെയാണ് പുതിയ എറണാകുളം കളക്ടര്‍. ഐ.ടി മിഷന്‍ ഡയറക്ടര്‍ സ്‌നേഹില്‍ കുമാര്‍ സിംഗിനെ ചീഫ് സെക്രട്ടറിയുടെ സ്റ്റാഫ്
ഓഫീസര്‍ ആക്കി. മറ്റ് അധിക ചുമതലകളില്‍ നിന്നും ഒഴിവാക്കി കൊടുത്തു. മഹാത്മാഗാന്ധി തൊഴിലുറപ്പ് മിഷന്‍ ഡയറക്ടര്‍ അനുകുമാരി ഐ.ടി മിഷന്‍ ഡയറക്ടറുടെ അധിക ചുമതല നല്‍കി. ഇവര്‍ക്ക് തിരുവനന്തപുരം ഡിസ്ട്രിക്ട് ഡവലപ്‌മെന്റ് കമ്മിഷണറുടെ അധിക ചുമതല ഒഴിവാക്കി . പകരം തിരുവനന്തപുരം സബ് കളക്ടര്‍ അശ്വതി ശ്രീനിവാസ് ആയിരിക്കും പുതിയ തിരുവനന്തപുരം ഡി.ഡി.സി