മമ്മൂക്കയ്ക്ക് വേണ്ടി വിട്ടുവീഴ്ച്ച ചെയ്യേണ്ടി വന്നിട്ടില്ലെന്ന് ജിയോബേബി

കാതല്‍ സിനിമാ ലൊക്കേഷനിലെ രസകരമായ അനുഭവം പങ്കുവെച്ച് ജിയോ ബേബി. മമ്മൂട്ടിക്ക് വേണ്ടി സിനിമയില്‍ വിട്ടുവീഴ്ച്ച ചെയ്യേണ്ടി വന്നിട്ടുണ്ടോ എന്ന ചോദ്യത്തിനായിരുന്നു ജിയോ ബേബിയുടെ വേഗ ഉത്തരം. കാതല്‍ സിനിമയ്ക്ക് മമ്മൂക്ക നമ്മളെ പരിഗണിച്ചിട്ടുണ്ട്. മമ്മൂക്കയ്ക്ക് വേണ്ടി ഒരിക്കല്‍ പോലും വിട്ടുവീഴ്ച്ച ചെയ്യേണ്ടി വന്നിട്ടില്ല. സ്‌ക്രിപ്ര്റ്റ് ലോക്ക് ചെയ്തു കഴിഞ്ഞാല്‍ പിന്നെ ഷൂട്ട് എന്ന് പറയുന്നത് പ്രാക്ടിക്കലാണ്.
ആ സമയത്താണ് സിനിമ സംഭവിക്കുന്നത്. ടെന്‍ഷന്‍ ഇല്ലാതെ സിനിമ എടുക്കുന്ന ആളാണ് ഞാന്‍ എന്നാല്‍ കാതലലിലേക്ക് മമ്മൂട്ടിയും ജ്യോതികയും വന്നതോടെ ടെന്‍ഷനായി. എറണാകുളത്തു നിന്നും ദൂരമുണ്ട് റബര്‍ തോട്ടമുള്ള ലൊക്കേഷനിലേക്ക് പോകാന്‍. ആദ്യം ബേബി എന്തിനാണ് ഇവിടെ ലൊക്കേഷന്‍ കണ്ടതെന്ന് ചോദിച്ചിരുന്നു മമ്മൂക്ക. പിന്നീട് ലൊക്കേഷന്‍ കണ്ട് ഷൂട്ട് ചെയ്തതിനു ശേഷം സ്ഥലവും ലോക്കേഷനുമൊക്കെ കൊളളാം, നന്നായിട്ടുണ്ടെന്ന് പറഞ്ഞപ്പോഴാണ് സമാധാമായതെന്നും ഒരു അഭിമുഖത്തില്‍ ജിയോ ബേബി പറഞ്ഞു.