വിദ്യ ബാലന്റെ പേരിലും തട്ടിപ്പോ

ബോളിവുഡ് താരം വിദ്യ ബാലന്റെ പേരില്‍ തട്ടിപ്പ് നടത്താന്‍ ശ്രമിച്ചതായി പരാതി. താരത്തിന്റെ പേരില്‍ വ്യാജ ഇന്‍സ്റ്റഗ്രാം അക്കൗണ്ട് ഉണ്ടാക്കി പണം തട്ടാന്‍ ശ്രമിച്ചുവെന്നാണ് ആരോപണം. അക്കൗണ്ടിലൂടെ ജോലി വാഗ്ദാനം ചെയ്താണ് ആളുകളില്‍ നിന്ന് പണം തട്ടാന്‍ ശ്രമിച്ചത്. വിദ്യ ബാലന്റെ പേരില്‍ വ്യാജ ഇന്‍സ്റ്റഗ്രാം അക്കൗണ്ട് ആരംഭിച്ച തട്ടിപ്പുകാരന്‍ പുതിയ ജിമെയില്‍ അക്കൗണ്ടും തുടങ്ങി. ബോളിവുഡിലെ നിരവധിയാളുകളെ ഇയാള്‍ ബന്ധപ്പെട്ടുവെന്നാണ് റിപ്പോര്‍ട്ട്. നടിയുടെ പരാതിയില്‍ മുംബൈ പോലീസ് എഫ്.ഐ.ആര്‍ രജിസ്റ്റര്‍ചെയ്ത് അന്വേഷണം ആരംഭിച്ചിട്ടുണ്ട്. സോഷ്യല്‍ മീഡിയയില്‍ സജീവ സാന്നിധ്യമാണ് വിദ്യ ബാലന്‍. ഇന്‍സ്റ്റഗ്രാമില്‍ 9 ദശലക്ഷം ഫോളോവേഴ്‌സാണ് താരത്തിനുള്ളത്. കഴിഞ്ഞ ദിവസം താരം ചെയ്ത റീല്‍ വീഡിയോ സമൂഹമാധ്യമങ്ങളില്‍ വൈറലായിരുന്നു.