കൊടുമണ്‍ പൊലീസ് സ്‌സ്റ്റേഷനില്‍ മോഷണം; മോഷ്ടിച്ചത് 20,000 രൂപ വിലയുള്ള ഇപോസ് മെഷീന്‍

പത്തനംതിട്ട: പത്തനംതിട്ട കൊടുമണ്‍ പൊലീസ്‌സ്റ്റേഷനില്‍ നിന്ന് 20,000 രൂപ വിലയുള്ള ഇ-പോസ് മെഷീന്‍മോഷണംപോയി. അറ്റൊരുകേസില്‍ കസ്റ്റഡിയിലെടുത്ത അടൂര്‍ സ്വദേശിയായ എബിജോണാണ് (28)മോഷ്ടാവ്. പൊതുസ്ഥലത്ത് മദ്യപിച്ച് ബഹളമുണ്ടാക്കിയതിന് കസ്റ്റഡിയിലെടുത്ത പ്രതി പൊലീസിനെ കബളിപ്പിച്ച് ഇ-പോസ് മെഷീനുമായി കടന്നുകളയുകയായിരുന്നു.  ഇയാളെ പിടികൂടിയെങ്കിലും മെഷീന്‍ കണ്ടെത്താനായില്ല. വഴിയില്‍ ഉപേക്ഷിച്ചതായാണ് ഇയാള്‍ മൊഴി നല്‍കിയത്.  പറഞ്ഞ സ്ഥലത്ത് അന്വേഷിച്ചെങ്കിലും മെഷീനുള്ളില്‍ ഉണ്ടായിരുന്നപേപ്പറുകള്‍ മാത്രമാണ് ലഭിച്ചത്.  മദ്യലഹരിയിലായിരുന്നു പ്രതിയെന്നാണ് സൂചന.