രാമഭക്തരെ കളിയാക്കി കോണ്‍ഗ്രസ് വക്താവ്

 അയോദ്ധ്യയിലേക്ക് പോകുന്ന രാമഭക്തരെ കളിയാക്കി കോണ്‍ഗ്രസ് വക്താവ്. കര്‍ണാടക സംസ്ഥാന കോണ്‍ഗ്രസ് ജനറല്‍ സെക്രട്ടറിയും  പാര്‍ട്ടി സംസ്ഥാന വക്താവുമായ സത്യപ്രകാശാണ് രാമഭക്തരെ കുരങ്ങന്മാരാക്കി ചിത്രീകരിച്ചത്.  ആര്‍ട്ടിഫിഷ്യല്‍ ഇന്റലിജന്‍സ് കൊണ്ട് നിര്‍മ്മിച്ച ചിത്രമാണ് അദ്ദേഹം  ഫെയ്‌സബുക്കിലിട്ടത്.  പ്രതിഷേധം ഉയര്‍ന്ന ഉടന്‍ അത് പിന്‍വലിക്കുകയും ചെയ്തു. എന്നാല്‍ ഇട്ട പോസ്റ്റില്‍ ക്ഷമ ചോദിച്ചിട്ടുമില്ല. കാവിഷാളുകളുമായി കുരങ്ങന്മാര്‍ വിമാനത്തിലിരിക്കുന്ന ചിത്രമാണ് അദ്ദേഹം എഫ്.ബിയിലിട്ടത്. . രാം ഭക്ത്‌സ് ഓഫ് ടു അയോദ്ധ്യ എന്നും അടിക്കുറിപ്പായി എഴുതിയിട്ടുണ്ട്. ജനുവരി 22ന് നടത്തുന്ന അയോദ്ധ്യയിലെ പ്രാണപ്രതിഷ്ഠയില്‍ പങ്കെടുക്കേണ്ടെന്ന് കോണ്‍ഗ്രസ് തീരുമാനിച്ചിരിക്കുകയാണ്.  ഹിന്ദുക്കളോട് എത്രമാത്രം വിരോധമാണ് കോണ്‍ഗ്രസ് പ്രകടിപ്പിക്കുന്നതെന്ന് കെ.പി.സി.സി ജനറല്‍ സെക്രട്ടറിയുടെ പോസ്റ്റിലൂടെ വ്യക്തമാണെന്ന് അഡ്വ.ആശുതോഷ് ജെ.ദുബെ എക്‌സില്‍ കുറിച്ചു.