കാമുകിയുടെ മൃതദേഹത്തെ ‘വിവാഹം’ ചെയ്ത് കാമുകന്‍

പ്രണയം വലിയ ശക്തിയുള്ള വികാരമാണ്. പ്രണയിക്കുന്നവരെ വേര്‍പിരിയുക എന്നത് അങ്ങേയറ്റം വേദനാജനകവും. അപ്പോള്‍, ഏറെക്കാലമായി പ്രണയിക്കുന്ന കാമുകനോ കാമുകിയോ മരിച്ചാല്‍ എന്തായിരിക്കും അവസ്ഥ. ആരായാലും തകര്‍ന്നു പോകും അല്ലേ? ഇവിടെ ഒരാള്‍ തന്റെ കാമുകി മരിച്ചതിനെ തുടര്‍ന്ന് അവളുടെ മൃതദേഹത്തെ വിവാഹം ചെയ്തു. വീഡിയോ അധികം വൈകാതെ സാമൂഹിക മാധ്യമങ്ങളില്‍ വൈറലായി.

അസ്സമില്‍ നിന്നുള്ള ബിതുപന്‍ താപുലി എന്ന 27 കാരനാണ് കാമുകിയുടെ മൃതദേഹത്തെ വിവാഹം കഴിച്ചത്. അസുഖം ബാധിച്ചതിനെ തുടര്‍ന്ന് വെള്ളിയാഴ്ച ?ഗുവാഹത്തിയിലെ ഒരു സ്വകാര്യ ആശുപത്രിയിലായിരുന്നു ബിതുപന്റെ കാമുകി പ്രാര്‍ത്ഥനയുടെ അന്ത്യം. പ്രാര്‍ത്ഥനയുടെ മൃതദേഹത്തിന് നെറ്റിയിലും കവിളിലും ബിതുപന്‍ സിന്ദൂരം അണിയിക്കുന്ന വീഡിയോയാണ് വൈറലായത്.

ബിതുപന്‍ പ്രാര്‍ത്ഥനയുടെ മൃതദേഹത്തില്‍ ഹാരം അണിയിക്കുകയും ഒരു ഹാരം സ്വയം അണിയുകയും കൂടി ചെയ്യുന്നുണ്ട്. ഏറെക്കാലമായി ബിതുപനും പ്രാര്‍ത്ഥനയും പ്രണയത്തിലായിരുന്നു. തനിക്ക് ഇനി ആരുടെയും കൂടെ ജീവിക്കാനോ ആരെയും വിവാഹം കഴിക്കാനോ സാധിക്കില്ല എന്നാണത്രെ ബിതുപന്‍ പറയുന്നത്.

നവംബര്‍ 18 ന് ആശുപത്രിയില്‍ വച്ചാണ് പ്രാര്‍ത്ഥന മരിക്കുന്നത്. അതിന് ഏതാനും ദിവസങ്ങള്‍ക്ക് മുമ്പ് അവള്‍ക്ക് പെട്ടെന്ന് അസുഖം ബാധിച്ചതായും അത് ഭേദമാകുന്നില്ലായിരുന്നു എന്നും പ്രാര്‍ത്ഥനയുടെ ബന്ധു സുഭോണ്‍ ബോറ പറഞ്ഞതായി കലിം?ഗ ടിവി റിപ്പോര്‍ട്ട് ചെയ്തു.

അധികം വൈകാതെ ഇന്റര്‍നെറ്റില്‍ ബിതുപന്‍ പ്രാര്‍ത്ഥനയുടെ മൃതദേഹത്തില്‍ കുങ്കുമണിയിക്കുകയും ഹാരമണിയിക്കുകയും ചെയ്യുന്ന വീഡിയോ വൈറലാവുകയായിരുന്നു.

കര്‍ണാടകയിലെ ‘പ്രേത വിവാഹം’

മരിച്ചവരെ വിവാഹം കഴിപ്പിക്കുമോ? അങ്ങനെ ഒരു ചടങ്ങ് കര്‍ണാടകത്തില്‍ ചില സ്ഥലങ്ങളില്‍ ഉണ്ട്. അതായത് ജനനത്തില്‍ തന്നെ മരിച്ചു പോയ രണ്ടുപേരെയാണ് ഇവിടെ വിവാഹം കഴിപ്പിക്കുന്നത്. നേരത്തെ യൂട്യൂബറായ AnnyArun അത്തരം ഒരു വിവാഹത്തിന്റെ വീഡിയോ സാമൂഹിക മാധ്യമങ്ങളില്‍ പങ്കു വച്ചിരുന്നു.

ശോഭ, ചന്ദപ്പ എന്നിങ്ങനെ രണ്ടുപേരെയാണ് വിവാഹം കഴിപ്പിച്ചത്. ഇത്തരം വിവാഹങ്ങളെ ‘പ്രേത വിവാഹം’ എന്നാണ് വിളിക്കുന്നത്. മരിച്ചവരുടെ ആത്മാക്കളെ ബഹുമാനിക്കുന്നതിന്റെ ഭാ?ഗമായിട്ടാണത്രെ ഇത്തരം വിവാഹങ്ങള്‍ നടത്തുന്നത്. അതുപോലെ, ഇങ്ങനെ വിവാഹം കഴിപ്പിച്ചാല്‍ അവരുടെ ആത്മാക്കള്‍ സന്തോഷിക്കും എന്നും ആളുകള്‍ വിശ്വസിക്കുന്നു. സാധാരണ ഒരു വിവാഹത്തിനുണ്ടാവുന്ന എല്ലാ ചടങ്ങുകളും ഈ പ്രേത വിവാഹത്തിനും ഉണ്ടാകും.