സുബിയുടെ സംസ്‌കാരം വ്യാഴാഴ്ച ഉച്ചയ്ക്ക്

കൊച്ചി: അന്തരിച്ച നടി സുബി സുരേഷിന്റെ സംസ്‌കാരം നാളെ ഉച്ചയ്ക്ക് മൂന്ന് മണിയ്ക്ക് ചേരാനെല്ലൂര്‍ ശ്മശാനത്തില്‍ നടക്കും.വ്യാഴാഴ്ച രാവിലെ പത്തുമുതല്‍ ഉച്ചയ്ക്ക് രണ്ടുവരെ പൊതുദര്‍ശനത്തിന് വെക്കും. വരാപ്പുഴ പുത്തന്‍പള്ളി ഓഡിറ്റോറിയത്തിലാണ് പൊതുദര്‍ശനം.

നിലവില്‍ മൃതദേഹം ആശുപത്രി മോര്‍ച്ചറിയില്‍ തന്നെ സൂക്ഷിച്ചിരിക്കുകയാണ്. നാളെ രാവിലെ എട്ടോടെ മൃതദേഹം വരാപ്പുഴയിലെ വീട്ടിലേക്ക് കൊണ്ടുപോകുമെന്നാണ് അറിയിച്ചിരിക്കുന്നത്.

കരള്‍രോഗത്തെ തുടര്‍ന്ന് ആലുവയിലെ സ്വകാര്യ ആശുപത്രിയില്‍ ചികിത്സലായിരുന്നു. കരള്‍മാറ്റ ശസ്ത്രക്രിയയ്ക്കുള്ള ഒരുക്കങ്ങള്‍ നടക്കുന്നതിനിടെയാണ് അന്ത്യം.