പിണറായി ചക്കരക്കുടത്തിൽ കൈയിട്ടു നക്കുന്നവൻ – ഭീമൻ രഘു

പിണറായിയെ പുകഴ്ത്താൻ ശ്രമിച്ച് കുടുങ്ങി നടൻ

ബിജെപിക്കാരനും പത്തനാപുരം നിയമസഭാ സ്ഥാനാർത്ഥിയുമായിരുന്ന നടൻ ഭീമൻ രഘു സിപിഎമ്മിലെത്തിയത് ഏതാണ്ട് ഒരാഴ്‌ച മുൻപാണ്. ഇടതുപക്ഷത്തെത്തിയശേഷം മൂന്നാം പിണറായി സർക്കാർ വരും എന്ന് നടൻ മാദ്ധ്യമങ്ങളോട് പ്രതികരിച്ചിരുന്നു. പിണറായി വിജയനൊപ്പം പ്രവർത്തിക്കുന്നത് തനിക്ക് അഭിമാനമാണെന്നും മറ്റും അദ്ദേഹം തട്ടിവിടുകയും ചെയ്തു. അദ്ദേഹം മറ്റുള്ളവരിൽ നിന്നും വ്യത്യസ്തനാണ്. പറയാനുള്ളത് മുഖത്തു നോക്കി പറയും. അഴിമതിയില്ല ഇങ്ങനെ പോകുന്നു ഗീർവാണങ്ങൾ . ചുവപ്പു നിറമുള്ള ഷർട്ടും ഷാളും ധരിച്ച് AKG സെന്ററിനു മുന്നിൽ നിന്നായിരുന്നു ഈ അഭ്യാസ പ്രകടനങ്ങൾ .

എന്നാലിപ്പോൾ നടൻ ഒരു ഓൺലൈൻ മാദ്ധ്യമത്തിന് നൽകിയ അഭിമുഖത്തിൽ പറഞ്ഞ വാക്കുകൾക്ക് സമൂഹമാദ്ധ്യമങ്ങളിൽ വ്യാപക ട്രോളാണ് ലഭിക്കുന്നത്.

 മുഖ്യമന്ത്രി പിണറായി വിജയനെക്കുറിച്ച് നടൻ പറഞ്ഞ വാക്കുകളാണ് ട്രോളിന് കാരണമായത്.

 സഖാവ് പിണറായി വിജയനെ എനിക്ക് വലിയ ഇഷ്‌ടമാണ്. പിണറായി വിജയനെക്കുറിച്ച് എന്തെല്ലാം പറയുന്നു ആളുകൾ . അത് കൈയിട്ടുവാരി, ഇത് കൈയിട്ടുവാരി….. ഞാൻ ചോദിക്കട്ടെ ചക്കരക്കുടത്തിൽ കൈയിട്ടാൽ നക്കാത്തതായി ആരുണ്ട്?’ എന്നാണ് നടൻ പറഞ്ഞത്

ഇതിനെ കളിയാക്കി ‘ഒന്ന് പൊക്കിയടിച്ചതാണ് ….നാവ് ചതിച്ചാശാനേ ലേലു അല്ലു എന്നാണ് ചില കമന്റുകൾ …..ഭീമൻ രഘു സത്യം വിളിച്ചുപറയുന്ന ഒരു സഖാവാണ് എന്നാണ് മറ്റൊന്ന്.

പിണറായി വിജയൻ കട്ടെങ്കിൽ അതിൽ തെറ്റൊന്നുമില്ല എന്താണ് ഭീമൻ രഘു പറയുന്നത്. പിണറായിയെ പൊക്കി പറഞ്ഞെങ്കിലേ CPM ൽ സ്ഥാനമുള്ളു എന്ന് ആരെങ്കിലും ഈ പുത്തൻ സഖാവിന് പറഞ്ഞു കൊടുത്തു കാണും. അതനുസരിച്ച് ഒന്നു തള്ളിയതാണ് സഖാവ് ഭീമൻ രഘു. അത് ഇത്തരത്തിലായെന്നു മാത്രം. BJP യിൽ നിന്നും സ്ഥാനമാനങ്ങളൊന്നും ലഭിച്ചില്ല , തന്റെ കഴിവുകൾ വികസിപ്പിക്കാൻ കഴിഞ്ഞില്ല എന്നൊക്കെ പറഞ്ഞാണ് ഭീമൻ രഘു BJP വിട്ടത്. എന്നാൽ നടൻ സുരേഷ് ഗോപിയെ അദ്ദേഹം പുകഴ്ത്തുന്നുമുണ്ട്.