പ്രേമലുവിന്റെ ഫ്രീ ടിക്കറ്റ് സമ്മാനിച്ച് ഭാവന സ്റ്റുഡിയോസ്

നസ്ലിനും മമിതയും പ്രധാനവേഷങ്ങളിലെത്തിയ ഗിരീഷ് എ ഡി ചിത്രം പ്രേമലു 14 തവണ തിയേറ്ററില്‍ പോയി കണ്ട ആരാധികയ്ക്ക് സര്‍പ്രൈസ് സമ്മാനം നല്‍കി ഭാവന സ്റ്റുഡിയോസ്. കൊല്ലം സ്വദേശിയായ ആര്യ ആര്‍ കുമാറിന് ടിക്കറ്റില്ലാതെ എത്രവേണമെങ്കിലും തിയേറ്ററില്‍ സിനിമ കാണാന്‍ സാധിക്കുന്ന ടോപ് ഫാന്‍ പാസാണ് സിനിമയുടെ നിര്‍മാതാക്കള്‍ സമ്മാനിച്ചത്.
ഭാവന സ്റ്റുഡിയോസിന്റെ പ്രതിനിധി കൊല്ലത്തുള്ള ആര്യയുടെ വീട്ടിലെത്തിയാണ് ഈ സ്‌പെഷ്യല്‍ സമ്മാനം കൈമാറിയത്. ഇതിന് പിന്നാലെ ഫ്രീയായി പാസ് കിട്ടിയ വിവരം ആര്യ തന്റെ ഇന്‍സ്റ്റഗ്രാമിലൂടെ പങ്കുവെയ്ക്കുകയായിരുന്നു. താങ്ക് യൂ ഭാവന സ്റ്റുഡിയോസ്, ഇനി ഞാന്‍ പ്രേമലു കണ്ട് കണ്ട് മരിക്കും എന്നായിരുന്നു പാസ് ലഭിച്ച ശേഷം ആര്യയുടെ ഇന്‍സ്റ്റഗ്രാം പോസ്റ്റ്.