ഷാരൂഖ് ഖാനെ അനുകരിച്ച് മകൻ അബ്‌റാം, അച്ഛനെപ്പോലെയെന്ന് ആരാധകർ

ഷാരൂഖ് ഖാനെ അനുകരിക്കുന്ന മകൻ അബ്‌റാമിന്റെ വീഡിയോ സാമൂഹ്യ മാധ്യമങ്ങളിൽ വൈറലാകുന്നു. ധീരുഭായ് അംബാനി ഇന്റർനാഷണൽ സ്‌കൂളിൽ നടന്ന വാർഷികദിന ചടങ്ങായിരുന്നു വേദി. ഒരു സ്‌കിറ്റിൽ അഭിനയിക്കുന്നതിനിടയിൽ, ദിൽവാലെ ദുൽഹനിയ ജായേംഗേ എന്ന സിനിമയിലെ പാട്ടിനൊപ്പം ഷാരൂഖിന്റെ സിഗ്‌നേച്ചർ പോസ് അനുകരിച്ചു അബ്‌റാം. എന്നെ കെട്ടിപ്പിടിക്കുക, എനിക്ക് ആലിംഗനം ഇഷ്ടമാണ് എന്നു പറഞ്ഞ് ഷാരൂഖ് ചെയ്യുന്നതുപോലെ കൈവിടർത്തി പോസ് ചെയ്തു കുഞ്ഞു താരം.. മകന്റെ പ്രകടനം കണ്ട ഷാരൂഖ് കൈവീശി കാണിച്ച് ആഹഌദം പ്രകടിപ്പിക്കുന്നുമുണ്ട്. സ്‌കിറ്റിനിടയിൽ ഒപ്പമുണ്ടായിരുന്ന കൂട്ടുകാരെ കെട്ടിപ്പിടിക്കുന്നുമുണ്ട് അബ്‌റാം. ദ് നോട്ടി പ്രൊഫസർ എന്ന കഥാപാത്രത്തെയാണ് അബ്‌റാം അവതരിപ്പിച്ചത്. അച്ഛന്റെ അഭിനയമികവ് മകനും കിട്ടിയിട്ടുണ്ട് എന്നാണ് ആരാധകരുടെ കമന്റ്. ഭാര്യ ഗൗരി ഖാൻ, മകൾ സുഹാന എന്നിവർക്കൊപ്പമാണ് ഷാരൂഖ് ഖാൻ സ്‌കൂളിലെത്തിയത്.