കള്ളപ്പണ മാഫിയാ ബന്ധം: കണ്ണൂര്‍ സിപിഎമ്മില്‍ കൂട്ടനടപടി; നാലുപേരെ പുറത്താക്കി

കണ്ണൂര്‍: കള്ളപ്പണ മാഫിയാ ബന്ധത്തില്‍ കണ്ണൂര്‍ സിപിഎമ്മില്‍ കൂട്ടനടപടി. മൂന്ന് ലോക്കല്‍ കമ്മിറ്റി അംഗങ്ങളേയും ഒരു ബ്രാഞ്ച് അംഗത്തേയും പാര്‍ട്ടിയില്‍ നിന്നും പുറത്താക്കി.

ലോക്കല്‍ കമ്മിറ്റി അംഗങ്ങളായ അഖില്‍, സേവ്യര്‍ പോള്‍, രാംഷാ, ബ്രാഞ്ച് അംഗം കെ സകേഷ് എന്നിവര്‍ക്കെതിരെയാണ് നടപടി. പെരിങ്ങോം ഏരിയക്ക് കീഴിലാണ് അച്ചടക്ക നടപടി.

കള്ളപ്പണം വെളുപ്പിക്കാന്‍ ഇവര്‍ കൂട്ടുനിന്നു എന്നാണ് കണ്ടെത്തല്‍. ഒരു ഘടകകക്ഷി നേതാവാണ് പരാതി ഉന്നയിച്ചത്. സിപിഎം സംസ്ഥാന സെക്രട്ടറി എം വി ഗോവിന്ദന് അയച്ച പരാതിയുടെ അടിസ്ഥാനത്തിലാണ് നടപടി.