വീട്ടുപറമ്പിലെ പടക്ക ഷെഡ് പൊട്ടിത്തെറിച്ചു, വീട്ടിനുള്ളിലും ലൈസൻസില്ലാതെ പടക്കം സൂക്ഷിച്ചു

ആലപ്പുഴ : ആലപ്പുഴ ഹരിപ്പാട് പടക്ക ഷെഡിന് തീപിടിച്ച് പൊട്ടിത്തെറിച്ചു. പള്ളിപ്പാട് മുട്ടം നൗഷാദിന്റ ഉടമസ്ഥതയിലുള്ള വീട്ട് പറമ്പിൽ ആണ് പടക്ക ഷെഡിന് തീപിടിച്ചത്. തീ പിടിത്തത്തിൽ ഷെഡ് പൂർണമായി നശിച്ചു. അപകടത്തിൽ ആളപായമില്ല. ഫയർഫോഴ്‌സ് എത്തി തീയണയ്ക്കുകയായിരുന്നു. വീട്ടിനുള്ളിലും വൻപടക്കശേഖരം കണ്ടെത്തിയിട്ടുണ്ട്. പടക്കനിർമാണത്തിന് ലൈസൻസില്ലെന്നും കണ്ടെത്തി. ഇയാൾ മൊത്തവിതരണക്കാരനാണെന്നാണ് സൂചന.