ശബരിമല തീര്‍ത്ഥാടകര്‍ സഞ്ചരിച്ചിരുന്ന മിനിബസ്സ് വീടിന് മുകളിലേക്ക് മറിഞ്ഞ് 16 പേര്‍ക്ക് പരിക്ക്. ഒരാളുടെ നില ഗുരുതരം.

കട്ടപ്പന: കട്ടപ്പന പാറക്കടവിന് സമീപം അയ്യപ്പ ഭക്തര്‍ സഞ്ചരിച്ചിരുന്ന മിനി ബസ്സ് വീടിന് മുകളിലേക്ക് മറിഞ്ഞുണ്ടായ അപകടത്തില്‍ 16 പേര്‍ക്ക് പരിക്ക്. ഒരാളുടെ നില ഗുരുതരം. തമിഴ്‌നാട്ടില്‍ നിന്നുള്ള ഭക്തര്‍ സഞ്ചരിച്ച മിനി ബസ്സാണ് ഇന്ന് പുലര്‍ച്ചേ പാറക്കടവ് ജംങ്ഷനു സമീപം കൊടുംവളവില്‍ അപകടത്തില്‍പെട്ടത്. പുലര്‍ച്ചേ നാലുമണിയോടെ ആയിരുന്നു സംഭവം. കുത്തനെയുള്ള ഇറക്കത്തില്‍ നിയന്ത്രണം നഷ്ടമായ ബസ്സ് സമീപത്തെ വീടിന്റെ കാര്‍പോര്‍ച്ചിലേക്കാണ് മറിഞ്ഞത്. അപകടത്തിന് പിന്നാലെ പോലീസും അഗ്നിശമന സേനയും സ്ഥലത്തെത്തിയാണ് രക്ഷാ പ്രവര്‍ത്തനങ്ങള്‍ ആരംഭിച്ചത്. അപകടത്തില്‍പെട്ട ഭക്തര്‍ തമിഴ്‌നാട് ദിന്‍ഡുകല്‍ സ്വദേശികളാണ്.